İranlı deputat: “Koronavirusdan ölənlərin gerçək sayını xalqdan gizlədirlər. Lakin, qəbiristanlıqları axı gizlətmək mümkün deyil”

28.02.2020, 23:46

GünazTV: İran parlamentinin Rəştdən seçilmiş deputatı Qulaməli Cəfərzadə İmen Abadi, fevralın 28-də jurnalistlərə açıqlamasında ölkə rəsmilərini koronavirus qurbanlarının sayını xalqdan gizlətməkdə günahlandırıb.

 

Deputat deyib ki, rəsmi qurumların koronavirus qurbanlarının sayı barədə elan etdiyi rəqəmlər heç də həqiqətə uyğun deyil: “Mən açıq və şəffaf şəkildə bildirirəm ki, məsul şəxslər ardıcıl olaraq, koronavirusdan ölənlərin gerçək sayını xalqdan gizlədirlər. Lakin, qəbiristanlıqları axı gizlətmək mümkün deyil. Mənim, kornavirusdan ölən və qəbiristanlıqlarda basırılanların sayı barədə dost-tanışlardan aldığım dəqiq məlumatlarım var. Gerçək rəqəmlər dəhşətlidir. Bəs bunları axı gizlətmək olmur.

 

Məndə həmçinin konkret olaraq, Tehranın “Behişti-Zəhra, Rəştin isə “Tazə Abad” və “Rizvan bağı” qəbristanlıqlarında basdırılan koronovirus qurbanlarının sayı barədə məlumatlar var. Qəbiristanlıqlardan aldığımız mövcud statistik rəqəmlər, rəsmi tribunalardan cəmiyyətə elan edilən rəqəmlərdən qat-qat çoxdur.

 

Mən, üzümü İran İslam Respublikası rəsmilərinə tutub deyirəm:- Sizi and verirəm Allaha, koronavirus qurbanlarının sayı barədə insanlara düzgün məlumat verin və əsl rəqəmləri xalqdan gizlətməyin.

 

Koronavirusun ən çox yayıldığı şəhərlərin karantinə alınması məsələsinə gəlincə, hesab edirəm ki, indiki vəziyyət və şəraitdə belə bir addımın atılması vacibdir. Belə bir tələb və təklif rəsmi şəkildə ortaya da qoyulub. Lakin bütün bunlara baxmayaraq, təəssüflər olsun ki, İran Ali Milli Təhlükəsizlik Şurası irəli sürülən bu kimi təklif və tələbləri rədd edərək ona qarşı çıxıblar”-deyə, İran parlamentinin deputatı Qulaməli Cəfərzadə İmen Abadi əlavə edib.

 

 

Qeyd edək ki, İran Səhiyyə Nazirliyinin sözçüsü Kiyanuş Cahanpur fevralın 28-də jurnalistlərə açıqlamasında ölkədə koronavirusdan ölənlərin sayının 34-ə, virusa yoluxanların isə 388 nəfərə çatdığını bəyan edib.

 

İranın tibb mərkəzlərində çalışan müstəqil mənbələr isə, virusdan ölənlərin və ona yoluxanların sayının dəfələrlə çox olduğunu və hökumətin ölkədə baş verməkdə olan insani faciənin dəhşətli miqyasını xalqdan gizlətməyə səy göstərdiyini bildirirlər.

 

Xatırladaq ki, İran parlamentinin Qum şəhərindən seçilmiş deputatı Əhməd Əmirabadi Fərahani fevralın 24-də jurnalistlərlə görüşündə Qumda koronavirusa yoluxanlarla bağlı şok açıqlama verib.

 

İranın səhiyyə nazirini xalqa yalan danışmaqda və onu cəmiyyətə düzgün məlumat verməməkdə günahlandıran deputat deyib ki, ötən bazar gününün axşamına qədər, təkcə Qumda 50 nəfər koronavirusdan ölüb. Deputat deyib ki, Qumda hər gün təxminən 10 nəfər həmin virusdan həyatını itirir.

 

 

A.M

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Qəzvində 3 dövlət mumuru həbs edilib

2022-08-17

gun az article

Milli fəal Yaşar Piri həbs edildi

2022-08-17

gun az article

Təbrizdə Urmu gölü ilə bağlı aksiya keçirilib-VİDEO

2022-08-17

gun az article

Arxeoloqlar Babək qalasında təmir işlərinin dayandırılmasını istəyir

2022-08-17

gun az article

Ərak zindanında 4 məhkum edam edilib

2022-08-17

gun az article

“İran Zəngəzurda casusluq və terror fəaliyyətinə hazırlaşır”-Əhməd Obalı-VİDEO

2022-08-16

gun az article

Güneyli yazıçı Yəqub Əhmədvənd həbs edilib

2022-08-16

gun az article

Güneyli vəkil və əməkdaşları barədə həbs qərarı təsdiq olunub

2022-08-16

gun az article

Qərbi Azərbaycanda koronavirus qurbanlarının sayı kəskin artıb

2022-08-16

gun az article

Sulduzda 13 nəfər spirtli içkidən zəhərlənib-Ölənlər var

2022-08-16

gun az article

Urmu gölünün bərpası ilə bağlı 27 layihə dayandırılıb

2022-08-16

gun az article

Şərqi Azərbaycanın 700 kəndində su böhranı yaşanır

2022-08-16

gun az article

Türkiyənin Van əyalətinə gedən turistlərin 70 faizi iranlılardır

2022-08-16

gun az article

"Urmu gölü quruyacağı təqdirdə Təbriz təxliyə edilməlidir"- Sabiq nazirdən xəbərdarlıq

2022-08-16

gun az article

SEPAH Qərbi Azərbaycana çoxlu sayda hərbi qüvvə toplayıb

2022-08-16

gun az article

“Parlaq gələcək”də müzakirə: “İfadə azadlığı və İran terrorçuluğu” və “Güney Azərbaycan gəncliyi”-VİDEO

2022-08-16

gun az article

Mədəni fəal Məhəmməd Eyni Rəşt zindanından sərbəst buraxılıb

2022-08-16

gun az article

Behnam Zarei müvəqqəti sərbəst buraxılıb

2022-08-15

gun az article

Xiyavda Urmu gölünün quruması ilə bağlı aksiya keçirilib

2022-08-15

gun az article

Sarabda içməli su tapılmır

2022-08-15