Səfər zamanı mövcud olan problemlərin aradan qaldırılması, təklif olunan layihələrin həyata keçirilməsi ilə bağlı hər hası planın nəzərdə tutulmadığı bəlli olub.
İranın Sənaye, Mədən və Ticarət Naziri Seyid Rza Fatimi Əmin mətbuata verdiyi açıqlamada prezidentin Zəngana səfəri zamanı bu günə kimi yarımçıq qalan layihələrin tamamlanması məsələlərinin müzakirə olunduğunu deyib.
O, uzun illərdir yarımçıq qalan sənaye şəhərciyinin isfrastrukturunun təkmilləşdirilməsi və başqa 20 yarımçıq layihənin tamamlanması üzərində çalışdıqlarını qeyd edib.
“Hökumətin qarşısında duran əsas məsələ həyata keçirilməsi vacib olan yarımçıq layihələrin başa çatdırılmasıdır”-deyə, İbrahim Rəisi noyabrın 18-i, axşam saatlarında səfərin yekunları ilə bağlı mətbuat nümayəndələrinə verdiyi açıqlama bildirib.
Qeyd edək ki, Rəisinin əyalətlərə səfərləri zamanı əsasən yarımçıq qalan layihələr müzakirə olunur və yeni layihələrin başlanması nəzərdə tutulmur.
Bundan öncə oktyabrın 22-də başqa Azərbaycan şəhəri Ərdəbilə səfər edən İbrahim Rəisinin problemlərin həlli ilə bağlı verdiyi sözlərin heç birinin həlli istiqamətində addım atılmadığı müşahidə olunur.
Prezidentin 1500 işçisi olan və Orta Doğunun ən böyük parça istehsalçılarından biri sayılan “Səbəlan parça”nın durumunun yaxşılaşdırılması, işçilərin əmək haqlarının ödənilməsi üçün tədbirlər görülməsi barədə dediklərinə baxmayaraq, heç bir addım atılmadığı üçün fabrik işçiləri neçə gündür tətil aksiyası keçirir.
Rəisinin bölgəyə səfəri formal xarakter daşıyır. Onun səfərləri zamanı yeni layihələrin təməlatması olmur. Bu səfərlərin uzun illərdir yığılıb qalan problemlərin həllində hansısa möcüzə yaradacağı gözlənilmir.
C.E
İranın Sənaye, Mədən və Ticarət Naziri Seyid Rza Fatimi Əmin
