İsrail BMT-nin Qüdsə dair qərarını qəbul etmir

SON XƏBƏRLƏR

İsrail BMT-nin Qüdsə dair qərarını qəbul etmir

2021.10.20, 07:36

Gunaz.tv

GünAz TV: İsrail Birləşmiş Millətlər Təşkilatı (BMT) Baş Assambleyasının Qüdsə dair qərarını qəbul etmir və bir çox ölkənin yəhudi dövlətini dəstəkləməsindən məmnundur.

APA-nın “RİA Novosti”yə istinadən verdiyi xəbərə görə, bu barədə İsrail baş nazirinin dəftərxanasından bildirilib.

“Qərara qarşı çıxış edən dövlətlər arasında baş nazir Binyamin Netanyahunun səfər etdiyi Avropa, Afrika və Latın Amerikası ölkələri var”, - deyə məlumatda bildirilir.

“İsrail Amerika Birləşmiş Ştatları (ABŞ) prezidenti Donald Trampa Qüdsə dair birmənalı mövqe nümayiş etdirdiyinə görə təşəkkür edir və İsrail - həqiqətlə birgə səs vermiş ölkələrə minnətdarlığını bildirir”

Qeyd edək ki, BMT Baş Assambleyası ABŞ-ın Qüdsü İsrailin paytaxtı kimi tanımasına dair qərarının qəbuledilməz olması barədə qətnamə qəbul edib.

N.S