Siyasi məhbus Pərviz Siyabiyə təzyiq göstərilir

SON XƏBƏRLƏR

Siyasi məhbus Pərviz Siyabiyə təzyiq göstərilir

2023.02.16, 12:42

Gunaz.tv

Bu barədə onun ailəsi məlumat yayıb.

Məumatda bildirilir ki, bir neçə xəstəlikdən əziyyət çəkməsinə, 3 həkimin onun həbsxanadan kənar tibb ocağında təcili müalicəsi barədə rəyinə baxmayaraq, Siyabinin tibbi məzuniyyətə buraxılmasına icazə verilmir.

Vəkilin ailəsi onun həyatına olan təhlükə ilə bağlı Ərdəbil prokurorluğu, təhlükəsizlik idarəsi və həbsxana rəhbərliyinin məsuliyyət daşıdığını bildiriblər.

Qeyd edək ki, Pərviz Siyabi Xuzistan ərəblərinin su qıtlığı ilə bağlı etirazlarına dəstək verdiyi üçün 25 iyul 2021-ci ildə təhlükəsizlik məmurları tərəfindən saxlanılıb.

O, “rejimə qarşı olan media ilə əlaqə saxlamaq və sosial şəbəkələrdə, kütləvi informasiya vasitələrində sistemin bütünlüyünə və təməlinə qarşı çıxmaq məqsədilə müsahibələr vermək, həqiqətə uyğun olmayan məlumatlar dərc etməklə İran İslam Respublikasının müqəddəs sisteminə qarşı təbliğat fəaliyyəti aparmaq”da ittiham edilib.

Milli fəal həmçinin “ölkənin təhlükəsizliyini pozmaq məqsədi ilə real olmayan qrupları idarə etmək” və “ölkənin təhlükəsizliyini pozmaq məqsədi ilə qeyri-qanuni qruplara və dəstələrə üzv olmaq”da suçlandırılır.

Timur