SON XƏBƏRLƏR

Oktyabrın 9-da nümayişlər İranda yeni şəhərlərə yayılıb

2022.10.10, 04:15
Oktyabrın 9-da nümayişlər İranda yeni şəhərlərə yayılıb

Gunaz.tv

Xarici mediada və sosial şəbəkələrdə yayılan videolarda bir neçə şəhərdə, o cümlədən Tehran, Sənəndəc, Qərbi Azərbaycanın Soyuqbulaq (Mahabad) və Saqqız şəhərlərində, Zəncan və başqa şəhərlərdə nümayişlərin keçirildiyi görünür.

Verilən məlumatlarda Soyuqbulaq şəhərində etirazçıların bir neçə yolu bağladığı və hökumət qüvvələrinə qarşı müqavimət göstərdikləri deyilir.

Sənəndəc şəhərində isə məmurların Əli Xameneyi əleyhinə şüar verən etirazçılara qarşı gözyaşardıcı qaz və bir sıra hallarda odlu silahlardan istifadə etdiyi qeyd olunub.

Sentyabrın 8-də Sənəndəc şəhərində izdihamlı aksiyaların keçirilməsindən və bir neçə nəfərin öldürülməsindən sonra hökumət Kürdüstan əyalətində bütün məktəb və ali təhsil ocaqlarının bağlanması barədə qərar verib.

Bununla yanaşı 9 oktyabr gecə saatlarında Təbriz ən azı iki bölgəsində aksiya keçirilib və "Xameneyiyə ölüm", "diktatora ölüm" şüarları səsləndirilib.

Veilən məlumatlarda Təbrizdəki aksiyaçılara dəstək olaraq davamlı siqnal verən onlarla avtomobilin xüsusi təyinatlı qüvvələr tərəfindən əzildiyi, şüşələrinin sındırıldığı deyilir.

Bundan öncə yaydıqları bildirişlərə əsasən bazar günü onlarla universitetin öyrənciləri etiraz aksiyalarını davam etdirib.

Universitetin həyətinə və bina ətrafına toplaşan narazılar hökumət əleyhinə şüarlar səsləndirib və həbs edilən öyrəncilərin azadlığını tələb ediblər.

Timur

SEÇİLMİŞ XƏBƏRLƏR

Çox oxunanlar