Əli Xamneyinin bacısı qızı Fəridə Muradxani həbs edilib - VİDEO

17.01.2022, 14:12

İran lideri Əli Xamneyinin bacısı qızı, hüquq müdafiəçisi Fəridə Muradxani həbs edilib.

Gunaz.tv Quote | Gunaz article

Bu barədə, İrandakı hüquq müdafiəçiləri və Parisdə mühacirətdə yaşayan Fəridə Muradxaninin qardaşı Mahmud Muradxani (Əli Xamneyinin bacısı oğlu-Red) məlumat yayıb.

Mahmud Muradxani “İran İnternational” telekanalına açıqlamasında deyib ki, İran Kəşfiyyat Nazirliyinin (ETTELAAT) mülki geyimli əməkdaşları Tehranda bacısı Fəridəni yanvarın 13-də küçədə evlərinə gedərkən tutub naməlum istiqamətə aparıblar.

“Bacım ötən cümə axşamı günü axşam saatlarında küçədə evinə qayıdarkən təhlükəsizlik qüvvələri tərəfindən həbs edilib.

Biz onun harada olmasından xəbərsiz və nigaran olsaq da, bacım həbsindən bir gün sonra evə zəng vuraraq, ETTELAAT Nazirliyinin nəzarətində idarə olunan Tehranın Evin zindanının 209-cu korpusuna köçürülməsindən xəbər verib.

Mən bacımın həbsinin detalları barədə əlavə məlumat verməyə çalışıram. Lakin hamının bildiyi kimi bu rejim ilk günlərdə həbs etdiyi şəxslər və siyasi fəallar barədə hər hansı bir məlumat yaymır. 

Unutmayaq ki, bu rejim ölkədə tətbiq etdiyi repressiyalar təzyiqlər və həbslərlə tanınır. Hazırda həbsdə olanlar təkcə mənim bacım deyil. Bu gün ölkənin bir çox gəncləri və cəmiyyətin elitasiyadan olanların çoxu həbsxanalarda saxlanılır.

Həbsdə olmayanlar da vətəndaş hüquqlarından məhrum edildiklərinə görə evlərində oturub susmaq məcburiyyətində qalıblar.

Nə isə, bu gün ölkənin bütün əhalisi bu repressiv rejimin mahiyyətini yaxşı tanıyır, onun repressiyalar və zorakılıq dilindən başqa heç bir dili başa düşmədiyini yaxşı bilir"-deyə, Mahmud Muradxani bildirib.

O, bacısının siyasi fəaliyyətlə məşğul olmadığını deyib: "Mənim bacım siyasi bir şəxs deyil, o siyasətlə də heç vaxt məşğul olmayıb və bu sahədə fəaliyyət də aparmayıb.

O, sadəcə olaraq, bir hüquq müdafiəsi kimi fəaliyyət göstərib, xeyriyyə işləri ilə məşğul olub, siyasi məhbusların ailələrinin yanında olub və bununla bağlı keçirilən dinc etirazlarda iştirak edib. 

Baxmayaraq ki, Əli Xamneyi mənim dayımdır, lakin bizim ailəmizin onunla müxalif olması, xüsusən də atamın ona qarşı müxalif mövqedən çıxış etməsi Xamneyinin rəhbər vəzifəsinə təyin edilməsindən əvvəlki vaxtlara qayıdır. O da bunu yaxşı bilir. Lakin Xamneyi və onun rejimi bizə qarşı bundan artıq bir iş görə bilmirlər, yoxsa bacarsaydılar görərdilər. 

Ailəmizə qarşı bu kimi təzyiqlər bizim üçün yeni bir şey deyil. Onlar (Xamneyi və rejimi-Red) bacardıqları qədər bu kimi həbslərlə mənə, atama və ailəmizə təzyiq göstərərək bizi susdurmağa çalışırlar, lakin bu heç vaxt onların istədiyi kimi olmayıb və olmayacaq da.

Daha doğrusu, onlar heç vaxt bizə göstərdikləri bu kimi təzyiqlərlə öz niyyətlərinə nail ola bilməyiblər”, -deyə Əli Xamneyinin bacısı oğlu Mahmud Muradxani “İran İnternational” telekanalına açıqlamasında bacısı Fəridə Muradxaninin həbsindən danışarkən bildirib.

Yayılan məlumata görə, ETTELAAT əməkdaşları Fəridə Muradxanini həbs etdikdən sonra onun mənzilində axtarış aparıb, ona məxsus bir sıra şəxsi əşyalar götürüblər.

Fəridə Muradxaninin həbsinin səbəbi və onun konkret nədə günahlandırıldığı hələlik bilinməsə də, onun həbsinin üç ay əvvəl İranın keçmiş şahının həyat yoldaşı Fərəh Pəhləvi ilə online şəkildə keçirilən bir görüşdə iştirak etməsi və bununla bağlı fikirlər səsləndirməsi ilə əlaqədar olduğu təxmin edilir. 

Fəridə Muradxani 2021-ci il, oktyabrın 14-də Fərəh Pəhləvinin doğum günü münasibəti ilə onunla onlineşəkildə keçirilən bir görüşdə, Fərəhin şəninə tərif dolu bir şeir oxuyaraq, onun bir gün ölkəyə qayıdacağı ilə bağlı arzusunu dilinə gətirmişdi.

“Sən gələcəksən və özünlə işıq, mühribanlıq və sevgi gətirəcəksən”, -deyə Fəridə Muradxani bildirmişdi. 

A.M 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Günaz.TV-də müzakirə: “Traxtur”un oyununda nələr baş verdi” və “Güney Azərbaycan azadlıq hərəkatının tələbləri”-VİDEO

2022-05-21

gun az article

“Mis-i Süngün” taekvondo komandası Premyer Liqanın qalibi olub

2022-05-21

gun az article

Tanınmış hüquq müdafiəçisi İrana qarşı daha sərt tədbirlər görülməsini istədi

2022-05-21

gun az article

Güney Azərbaycan təşkilatları 22 may hadisələrinin 16-cı ildönümü ilə bağlı bəyanat yayıb

2022-05-20

gun az article

Əyyub və Davud Şiri qardaşları ETTELAAT-ın təcridxanasında saxlanılırlar

2022-05-20

gun az article

Təbriz stadionunda Azərbaycan bayrağı qaldırılıb-VİDEO

2022-05-20

gun az article

"Süngün mis mədəninin gəlirləri talanır"- Millət vəkili

2022-05-20

gun az article

"Traxtur" futbol klubu son qarşılaşma ilə bağlı bəyanat yayıb

2022-05-20

gun az article

İbrahim Rəisi Qərbi Azərbaycan əyalətinə səfər edib

2022-05-20

gun az article

"Əhmədrza Cəlali girov götürülüb"- Beynəlxalq Əfv Təşkilatı güneyli alimlə bağlı bəyanat yaydı

2022-05-20

gun az article

Təbrizdə mədəni fəal saxlanılıb

2022-05-20

gun az article

“Sözümüz” proqramında müzakirə: “Xordaddan indiyə, kimlikdən çörəyə” -VİDEO

2022-05-20

gun az article

Təbriz stadionunda Abbas Lisaniyə dəstək şüarları səsləndirilib-VİDEO

2022-05-20

gun az article

"Traxtur"- "Persepolis" oyununda qarşıdurma- Qarşılaşma yarımçıq dayandırılıb-VIDEO

2022-05-19

gun az article

Təbrizdə milli fəallar saxlanılıb

2022-05-19

gun az article

"Problemlərin həll olunmayacağı təqdirdə Rəisinin Qərbi Azərbaycana səfəri mənasızdır"- Millət vəkili

2022-05-19

gun az article

Zənganda məşhur tarixi bina yenidən yandı

2022-05-19

gun az article

SEPAH-ın saytı edama məhkum olunmuş güneyli alimlə bağlı material yayıb

2022-05-19

gun az article

"Görüş”də müzakirə: “İran rejiminə qarşı etirazlar davam edir” və “İran rejiminə qarşi etirazlar və Güney Azərbaycan millətinin tutumu”-VİDEO

2022-05-19

gun az article

Milli fəallar Çahar-Mahal və Bəxtiyari əyalətində türkcə yer adları bərpa edib

2022-05-19