Şərqi Azərbaycan əyalətinin Məlikan şəhərinin prokuroru Mürtəza Fərcampur son aylar şəhərdə 7 hökumət məmuruna qarşı cinayət işinin açıldığı barədə məlumat verib.
Onun sözlərinə görə, saxlanılan vəzifəli şəxslər vəzifə səlahiyyətlərindən su-istifadə və korrupsiyada ittiham olunublar.
Fərcampur bununla yanaşı hökumət məmurları ilıə əlbir olaraq qanunsuz imtiyazlar əldə edən 26 mülki şəxs barəsində də məhkəmə araşdırmalarının başladıldığını deyib.
Qeyd edək ki, İranda xüsusilə son illər korrupsiya geniş miqyas alıb və dövlət qurumlarının əksəriyyətində kök salıb.
“Beynəlxalq Şəffaflıq” Təşkilatının yeni yaydığı 2021-ci ildə Korrupsiya Qavrama İndeksində İran 180 ölkə arasında 150-ci yeri tutub.
C.E
