Slovakiyanın XİN başçısı: "Azərbaycanın ərazi bütövlüyünü dəstəkləyirik"

SON XƏBƏRLƏR

Slovakiyanın XİN başçısı: "Azərbaycanın ərazi bütövlüyünü dəstəkləyirik"

2021.10.20, 07:36

Gunaz.tv

Bunu Slovakiyanın xarici işlər və Avropa naziri İvan Korçok oktyabrın 19-da Azərbaycan Prezidenti İlham Əliyevin qəbulunda olarkən deyib.

O bildirib ki, Slovakiya tərəfi Azərbaycanla iqtisadi əlaqələrin inkişafı istiqamətində səylərin Prezident İlham Əliyev tərəfindən dəstəklənməsinə böyük önəm verir.

Qonaq iqtisadi əməkdaşlığın genişləndirilməsi ilə bağlı hüquqi bazanın təkmilləşdirilməsinin əhəmiyyətinə toxunub. İvan Korçok Slovakiya şirkətlərinin Azərbaycanın işğaldan azad edilmiş ərazilərində quruculuq və yenidənqurma layihələrində yaxından iştirak etməkdə maraqlı olduqlarını bildirib.

Slovakiyalı nazir qeyd edib ki, Slovakiya dövlətlərin ərazi bütövlüyü və suverenliyi prinsiplərinə sadiqdir və bu əsasda ölkəsi Azərbaycanın ərazi bütövlüyünü dəstəkləyir. (report.az)

Ayxan