GünazTV: Amerika prezidentinin müavini Mayk Pens oktyabrın 22-də Vaşinqtonda keçirilən “Heritage” Fondunun illik toplantısında çıxış edərək, Tramp hökumətinin xarici siyasətinin nailiyyətlərindən, nüvə sazişindən və İranın beynəlxalq terrorizmə dəstəyindən danışıb.
Pens öz çıxışında Qərblə İran arasında imzalanmış nüvə sazişini “faciəli razılaşma” adlandıraraq, ABŞ prezidenti Donald Trampın bu sazişdən çıxması ilə bağlı qərarını dəstəkləyib: “Prezident Tramp nüvə sazişindən çıxmaqla terrorizmin ən böyük himayədarı olan İran hökuməti qarşısında dayandı. Bununla da deyə bilərəm ki, İrandakı mollalar rejiminə artıq nağd pul bağlamaları göndərilmir” –deyə, Amerika prezidentinin müavini Mayk Pens İrana qarşı tətbiq edilən sanksiyaların nəticə verdiyini vurğulayıb.
Xatırladaq ki, Amerika prezidenti Donald Tramp 2018-ci il, mayın 8-də Ağ Evdə çıxış edərək Vaşinqtonun İranla Qərb arasında imzalanmış nüvə sazişindən çıxdığını rəsmən elan edib: “İran rejimi terrorizmin əsas himayədarı olaraq qalır. Bu rejim, regionun müxtəlif ölkələrinə və terrorçu qruplara raket göndərir, bütün Orta Şərqdə yaşanan çaxnaşma və qarşıdurmaları qızışdırır, od-alov üstünə benzin səpir, “Hizbullah”, “Həmas”, “Taliban” və “Əl-Qaidə” kimi terrorçu qruplaşmalara dəstək verir” –deyə, ABŞ prezidenti Donald Tramp bildirib.
ABŞ prezidenti Donald Tramp
A.M
