Məhəmməd Bin Salman: “İran, “Müsəlman Qardaşları” və terrorçu qruplaşmalardan ibarət şər üçbucağı islamın simasını korlayıb”

SON XƏBƏRLƏR

Məhəmməd Bin Salman: “İran, “Müsəlman Qardaşları” və terrorçu qruplaşmalardan ibarət şər üçbucağı islamın simasını korlayıb”

2021.10.20, 07:36

Gunaz.tv

GünAzTV: Amerikada səfərdə olan Səudiyyə Ərəbistanının vəliəhdi, şahzadə Məhəmməd Bin Salman aprelin 2-də “Atlantik” jurnalına müsahibəsində İranın region ölkələrinə qarşı apardığı dağıdıcı fəaliyyətindən və islamçı terrorçu qruplaşmalara dəstəyindən danışıb.

Öz müsahibəsində İranın dini lideri axund Əli Xamneyini nasist Almaniyasının rəhbəri Adolf Hitlerdən daha təhlükəli bir şəxs adlandıran Məhəmməd Bin Salman deyib ki, hazırda bölgədə İran, “Müsəlman Qardaşları” və terrorçu qruplaşmalar, şər üçbucağını təşkil edən ekstremist qüvvələrdir: “İslam, sülh dinidir. Lakin bu gün bölgədə İran, “Müsəlman Qardaşları” və ekstremist terrorçu qruplaşmalardan təşkil edilən şər üçbucağı, öz siyasi hədəflərinə çatmaq üçün islamın simasını korlayaraq ondan bir vəsilə kimi istifadə edirlər. Bu arada İranın dini lideri Əli Xamneyinin xüsusi bir rolu var. O, nasist Almaniyasının rəhbəri Hitlerdən daha təhlükəli bir şəxsdir.

Çünki, İran rejimi özünün şiə düşüncəsinə əsaslanan fundamentalist “Vilayət-i Fəqih” ideologiyasını bölgəyə yaymağa çalışır. İranlı ruhanilərin fikrincə, onların düşüncəsi bütün dünyaya hakim olaraq ona rəhbərlik edəcək. Məhz bu düşüncə tərzinə görə də, onlar radikal qruplara yardım edir, onları dəstəkləyirlər. Bu isə qəbuledilməzdir”.

A.M