Bu barədə “Amerikanın Səsi” radiosunun fars bölməsi məlumat yayıb.
“Biz mətbuatda etiraz aksiyaları ilə bağlı xəbərlər görmüşük. Biz iranlıların zorakılıq və ya əsassız həbsdən qorxmadan dinc toplaşma və ifadə hüququnu dəstəkləyirik”-deyə, XİN nümayəndəsi bildirib.
Məlumatda Xarici İşlər Nazirliyinin nümayəndəsinin kimliyi barədə açıqlama verilməyib.
Qeyd edək ki, mayın 6-dan ilk olaraq Xuzistan əyalətindən başlayan ərzaq qıtlığı və bahalığa qarşı etiraz aksiyaları İranın onlarla şəhərinə yayılıb.
Bir çox şəhərlərdə etirazçılara qarşı güzyaşardıcı qazdan və rezin dəyənəklərdən istifadə olunaub və mitinqləri dağıtmaq üçün bir neçə yerdə odlu silahdan atəş açıldığı səhnələrini göstərən videolar yayılıb.
Xuzistan əyalətinin Əndimeşk şəhərində xüsusi bölmələrin açdığı atəş nəticəsində Ümid Sultani adlı 21 yaşlı gənc həyatını itirib.
İranın rəsmi mediası bir neçə gün susduqdan sonra etiraz aksiyalarının baş verdiyini yazıb, aksiyaçıların sayını az göstərməyə çalışıb.
Hökumət mediası sosial şəbəkələrdə həbs olunanlar barədə geniş məlumatların yayılmasından sonra 22 nəfərin saxlanıldığını təsdiq edib.
Timur
