SON XƏBƏRLƏR

Güneyli qadın hüquq müdafiəçisi ETTELAAT-a çağırılıb

2021.10.21, 07:31
Güneyli qadın hüquq müdafiəçisi ETTELAAT-a çağırılıb

Gunaz.tv

Oktyabrın 19-da telefon vasitəsilə Pərisa Ciddi ilə əlaqə saxlanılıb və ondan bir sıra məsələlərlə bağlı izahat verməsi üçün idarənin yerli bölməsinə getməsi istənilib.

Qadın hüquqları müdafiəçisi ETTELAAT məmurlarının təkrar zənglərinə cavab olaraq yazılı çağırış göndərilmədiyi təqdirdə idarəyə getməyəcəyini bildirib.

Onun hansı məsələlərə görə çağırılması barədə heç bir açıqlama verilməyib.

Qeyd edək ki, Cinayət Prosessual Məcəlləsinin 169 və 170 -ci maddələrinə görə, yalnız məhkəmə orqanı şəxslərin məhkəməyə çağrılması üçün yazılı çağırış verə bilər.

Məhkəmə orqanı tərəfindən telefon vasitəsilə çağırılma halında, bu Cinayət Prosessual Məcəlləsinin 175 -ci maddəsinə uyğun olaraq elektron icraat qaydaları çərçivəsində olmalıdır.

Əks halda, qeyri-məhkəmə dövlət orqanlarının yazılı və ya şifahi çağırışlarının heç bir hüquqi qüvvəsi yoxdur.

C.E
 

SEÇİLMİŞ XƏBƏRLƏR

Çox oxunanlar