Zəngan əyalətinin yüzlərlə kəndində su qıtlığı yaranıb və bir sıra bölgələrdə suyun kvota ilə verilməsinə başlanılıb.
Yerli "Zənganın səsi" media orqanının yazdığına görə, əyalətin Qeydar bölgəsində su çatışmazlığı daha ciddiləşib və məsulların vətəndaşlara sutkada 2 saat su verilməsi barədə vədlərinin əksinə olaraq bir çox hallarda içməli suyun verilməsində günlərlə kəsinti yaranır.
Zəngan əyalətinin Su və Kanalizasiya İdarəsinin nümayəndəsi Mustafa Əkrəmi mediaya verdiyi açıqlamada, əyalətin su qaynaqları ilə zəngin bölgə olmasına baxmayaraq, baş verən quraqlıq nəticəsində son vaxtlar bəzi bölgələrə səyyar su tankerləri ilə su paylanıldığını deyib.
Su və Kanalizasiya İdarəsinin başçısı Əlirza Cüz Qasiminin bildirdiyinə görə, hal-hazırda Zəngan əyalətinin 508 kəndində içməli su böhranı yaşanır və onlardan bir çoxuna su tankerləri vasitəsilə içməli su çatdırılır.
Timur
