SON XƏBƏRLƏR

Antoni Blinken: “İranla diplomatiya məğlubiyyətə uğrayacağı təqdirdə digər seçimlərə üz tutacağıq”

2021.10.20, 07:36
Antoni Blinken: “İranla diplomatiya məğlubiyyətə uğrayacağı təqdirdə digər seçimlərə üz tutacağıq”

Gunaz.tv

 O deyib ki, İranın Vyanada aparılan nüvə danışıqlarına qayıtması üçün fürsəti bitmək üzrədir.


“ Hesab edirik ki, İranın nüvə silahına yiyələnməsinin qarşısını almaq üçün ən yaxşı yol diplomatiya yoludur. Lakin əgər İran indiki mövqeyini dəyişməsə və bu ölkə ilə diplomatiya məğlubiyyətə uğrsa, o zaman biz digər seçimlərə üz tutacağa, digər variantları gözdən keçirməyə hazırıq.


Bir daha bildirirəm ki, Vaşinqtonun səbri tükənmək üzrədir, İranın isə danışıqlar masasının arxasına qayıtması üçün möhləti başa çatmaqdadır.


İran Vyana danışıqlarının dayandırılmasından istifadə edərək öz nüvə proqramını hərtərəfli inkişaf etdirir. Bu isə qəbuledilməzdir”, -deyə Amerika Birləşmiş Ştatları Dövlət Departamentinin rəhbəri Antoni Blinken bildirib.


Mətbuat konfransında amerikalı həmkarının dediklərini dəstəkləyən İsrailin xarici işlər naziri deyib ki, dünyanı şər qüvvələrdən qorumaq üçün bəzən zor gücündən istifadə etmək vacibdir.


“Güman edirəm ki, bütün dünya “digər seçimlər” dedikdə nəyin nəzərdə tutulduğunu yaxşı bilirlər. Mən və cənab Blinken Xolokostdan sağ çıxanların övladlarıyıq. Biz yaxşı bilirik ki, bəzən millətlər dünyanı şərdən qorumaq üçün zor gücündən istifadə etmək məcburiyyətində qalırlar”, -deyə İsrailin xarici işlər naziri Yair Lapid bəyan edib.  

آنتونی بلینکن (وسط) وزیر خارجه آمریکا و یائیر لاپید، همتای اسرائیلی‌اش

A.M

SEÇİLMİŞ XƏBƏRLƏR

Çox oxunanlar