SON XƏBƏRLƏR

Monqolustanda Göytürk Xaqanlığı dövrünə aid önəmli tapıntılar aşkarlanıb

2022.08.10, 06:43
Monqolustanda Göytürk Xaqanlığı dövrünə aid önəmli tapıntılar aşkarlanıb

Gunaz.tv

Pandemiya dövründə fasilə verilən, bu il yenidən başladılan qazıntılar nəticəsində Göytürk Xaqanlığı dövrünə aid önəmli tapıntılar aşkarlanıb.

Arhangay bölgəsində yeni ortaya çıxarılan Nomqon abidə kompleksi bütün xüsusiyyətlərinə görə Bilgə xaqan və Kültəgin abidə komplekslərinə bənzəyir.

Sözügedən kompleksdə insan, aslan, qoç heykəlləri və ortasında quyu olan qurbangah daşı mövcuddur.

Külliyənin qarşısında şərq istiqamətində 40-dan çox balbal daş sıralanıb. Balbal daşlardan beşinin üzərində Türk Xaqanlığının qurucu nəslinə aid “Dağ keçisi” damğası (möhürü) müəyyən edilib.

Ötükən çölündə aşkarlanan bu külliyə Kültəgin və Bilgə Xaqan komplekslərindən 80 kilometr aralıda yerləşir.

Kompleks Hanqay dağının Köynə, Böyük Nomqon və Kiçik Nomqon silsilələri ilə əhatə olunub.
Qeyd edək ki, Beynəlxalq Türk Akademiyasının bir neçə il öncə başlatdığı qazıntılar davam etdiriləcək. (kult.az)

Ayxan

Açar Sözlər :

SEÇİLMİŞ XƏBƏRLƏR

Çox oxunanlar