Pompeodan İraqa xəbərdarlıq: “İranın himayə etdiyi yaraqlılara nəzarət etməsəniz, təhlükə yarandığı təqdirdə, Amerika koordinasiyasız addım atacaq”

15.05.2019, 13:38

GünAz TV: “Reuters” agentliyinin İraqın xüsusi xidmət orqanlarının yüksək rütbəli əməkdaşlarına istinadən yaydığı xəbərə görə, Mayk Pompeo Bağdada son səfəri zamanı bu ölkənin rəsmilərinə xəbərdarlıq edib.

 

ABŞ Dövlət Departamentinin rəhbərinin xəbərdarlığında bildirilir ki, “İranın himayə etdiyi yaraqlılara nəzarət etməsəniz, təhlükə yarandığı təqdirdə, Amerika koordinasiyasız özü buna cavab verəcək”.

 

“Reuters”in məlumatına əsasən, Pompeonun bu səfəri rəsmi Vaşinqtonun İraqda İran tərəfindən himayə edilən şiə yaraqlılarının ABŞ-ın istifadəsində olan hərbi bazalar yaxınlığına raket daşıması ilə bağlı kəşfiyyat məlumatları əldə etməsindən sonra həyata keçirilib.

 

Qeyd etmək lazımdır ki, son günlər ərzində rəsmi Tehranla Vaşinqton arasında ziddiyyətlər kəskinləşib. Xüsusilə də ABŞ-ın körfəzə “USS Abraham Linkoln”, B-52 strateji bombardımançı təyyarələr və Patriot zenit-raket kompleksi göndərməsi tərəflər arasında toqquşmaların yaşanacağı ehtimalını daha da artırıb. Bundan əlavə, dünən ABŞ-ın İran təhdidləri ilə mübarizə istiqamətində Yaxın Şərq regionuna 120 min nəfərlik qoşun göndərəcəyi ilə bağlı hələlik rəsmən təsdiqlənməmiş yeni məlumatlar yayılıb.

 

İraq iki tərəf arasında maraqların toqquşduğu ölkələrdən biridir. İran uzun illərdir ki, bu ölkədə öz təsir dairəsini genişləndirmək, eləcə də şiə terror qruplaşmaları yaratmaq və onları müxtəlif ölkələrin suverenliyinə qarşı istifadə etmək istiqamətində fəaliyyətlər göstərir.

 

İraqlı yüksək ranklı hərbçilərdən birinin agentliyə dediklərinə görə, amerikalılar rəsmi Bağdaddan ABŞ-ın mənafeyini təhdid edən İran tərəfindən idarə olunan şiə yaraqlıların qarşısını almağı istəyiblər. O, həmçinin əlavə edib: “Onlar bildirdilər ki, əgər İraq torpağında Amerika qüvvələrinə qarşı hücum baş tutsa, rəsmi Vaşinqton özünü qorumaq hüququndan istifadə edərək, Bağdadla koordinasiyasız buna cavab verəcək.”

 

Xatırladaq ki, ABŞ Dövlət Departamentinin rəhbəri Mayk Pompeo mayın 8-də gözlənilmədən Bağdada səfər etmişdi. O, səfərinin “İranın hərbi aktivliyinin artmasından sonra” baş tutduğunu və İraq rəsmiləri ilə keçirilmiş görüşlərin məqsədinin onlardan öz ölkələrində amerikalıları qorumaq üçün lazım olan imkanlarının olduğu barədə zəmanət almaqdır.

 

Hələ ki, ABŞ Dövlət Departamenti Pompeonun Bağdad səfəri çərçivəsində iraqlı rəsmilərlə hansı müzakirələr apardığı barədə heç bir açıqlama verməyib.

 

“Biz təhdidlərlə mübarizə istiqamətində lazım olan bütün addımları atacağıq. Bundan başqa heç bir şeyi açıqlaya bilmərəm”- deyə Pompeonun özünün səfəri ilə bağlı jurnalistlərə verdiyi açıqlamada deyilirdi.

 

Bir müddət öncə Amerikanın Bağdaddakı səfirliyi İraqda olan ABŞ vətəndaşlarına “ziddiyyətlərin artdığı” barədə müraciət edərək, onlardan son dərəcə ehtiyatlı olmalarını istəmişdi.

 

Məsələyə münasibət bildirən İraqın Baş Naziri Adil Əbdul-Mehdi isə ölkəsinin tərəflərdən hər hansı birini təhdid edəcək heç bir fəaliyyəti müşahidə etmədiyini və rəsmi Bağdadın hər bir tərəfi qorumaqla bağlı öz öhdəliklərinə əməl etdiyini deyib.

 

Digər tərəfdən, bu gün ABŞ Dövlət Departamenti fövqəladə vəziyyətlə əlaqədar olmayan bütün dövlət qulluqçularının Bağdaddakı səfirlikdən və Ərbildəki konsulluqdan çıxarılması barədə göstəriş verib

 

Ə.A

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

SEPAH nümayəndəsi “Bəsic” təşkilatının mənzil-qərargahında baş verən partlayış barədə məlumat yayıb

2022-07-06

gun az article

Səudiyyə Ərəbistanı Xameneyinin nümayəndəsinə viza vermədi

2022-07-06

gun az article

"Qarabağ" Çempionlar Liqasına məğlubiyyətlə başlayıb

2022-07-06

gun az article

"Nüvə danışıqlarına qayıtmaq üçün şərtlər sonsuza qədər davam edə bilməz"-Ned Prays

2022-07-06

gun az article

Beynəlxalq Əfv Təşkilatı Belçikaya İranla razılaşma ilə bağlı xəbərdarlıq edib

2022-07-06

gun az article

Ərdoğan İtaliyanın Baş naziri ilə görüşdü

2022-07-05

gun az article

Britaniyada siyasi böhran - İki nazir istefa verdi

2022-07-05

gun az article

Müdafiə Nazirliyinin Kiber Təhlükəsizlik Əməliyyatları Mərkəzi istifadəyə verilib

2022-07-05

gun az article

50 üzvü, beynəlxalq qiymətləndirmə hüququ olan təşkilatın planları açıqlandı

2022-07-05

gun az article

"İran qeyri-qanuni texnologiya alışı ilə nüvə danışıqları şərtlərini pozub"-Alman kəşfiyyatı

2022-07-05

gun az article

Ukraynanın 22 milyon ton taxılı bloklanıb-Zelenski

2022-07-05

gun az article

Azərbaycanlı jurnalistlərin Şuşa ilə bağlı yazısı 9 ölkənin 16 mətbuat orqanında yayımlanıb

2022-07-05

gun az article

Tehranda polis zabiti intihar etdi

2022-07-05

gun az article

Tanınmış jurnalist Məsud Bastani prokurorluğa çağırılıb

2022-07-05

gun az article

İranlı fəallardan Belçika hökumətinə çağırış: "İran terrorçularını bağışlamayın"

2022-07-05

gun az article

İran Rusiya mallarını şimaldan cənuba tranzıt edəcək

2022-07-05

gun az article

Fransa vətəndaşlarına İrana səfərlə bağlı yenidən xəbərdarlıq edib

2022-07-05

gun az article

Azərbaycan və Britaniya nümayəndə heyətləri görüşdü

2022-07-05

gun az article

İtaliyada fövqəladə vəziyyət elan olundu

2022-07-05

gun az article

Səfir: "Azərbaycan indiyədək Ukraynaya 20 milyon dollarlıq humanitar yardım göndərib"

2022-07-05