SON XƏBƏRLƏR

Əfqanıstanla gərginlik böyüyür: İran sərhədə canlı qüvvə, hərbi texnika toplayır-VİDEO

2022.04.27, 09:29
Əfqanıstanla gərginlik böyüyür: İran sərhədə canlı qüvvə, hərbi texnika toplayır-VİDEO

Gunaz.tv

Tehran hakimiyyəti Əfqanıstanla sərhəd bölgələrinə çox sayda canlı qüvvə, hərbi texnika toplayır.

Sosial mediada yayılan foto və videolardan İran İnqilab Keşikçiləri Korpusuna məxsus tank və helikopterlərin sərhəddə daşındığı görünür.

İnternet istifadəçilər və bəzi İran mətbuat orqanlarının yaydığı məlumatlarda aprelin 26-da bu ölkənin 88-ci Zahedan diviziyasının tanklarının Əfqanıstan sərhədinə göndərdiyi qeyd olunub.

Bununla yanaşı Əfqanıstan mediası və internet istifadəçiləri tərəfindən İran hərbi helikopterinin sərhədi keçərək uçduğunu əks etdirən videolar yayılıb.

Bundan öncə Talibanın Əfqaistanın qərbindəki Hərat əyalətinin məsulları iki ölkə arasında baş verən gərginlik nəticəsində “İslam qala” gömrük keçid məntəqəsinin bağlandığını bildirmişdilər.

Gərginliyin İran sərhəd-patrul maşınının Əfqanıstana daxil olmasından sonra yarandığı və İslam Qala sərhədinin hazırda bağlı olduğu bildirilir.

Yerli qaynaqları sosial mediada paylaşdığı məlumat və görüntülərə görə, qarşıdurma zamanı İran İnqilab Keşikçiləri Korpusunun 5 üzvü Taliban qüvvələri tərəfindən əsir götürülüb.

Bununla yanaşı İrana məxsus yük maşınlarının Doğaruq sərhəd keçid məntəqəsindən İrana geri döndükləri və bölgədə hərbi vəziyyətin hökm sürdüyü qeyd olunur.

İran Xarici İşlər Nazirliyinin sözçüsü Səid Xətibzadə İran-Əfqanıstan sərhədində yaranmış gərginliklə bağlı deyib ki, belə bir gərginliyin yenidən təkrarlanması ciddi narahatlıq doğurur.
 
Taliban hökumətinin Müdafiə Naziri Molla Məhəmməd Yəqub qonşu ölkələrə xəbərdarlıq edərək onların Əfqanistan sərhədlərinə müdaxilə etmələrini, bu ölkənin torpağında nüfuz etməyə çalışmalarına dözməyəcəklərini bildirib.

Yəqubun xəbərdarlığından sonra çox sayda Taliban döyüşçüsünün İranla sərhəd bölgələrə cəlb olunduğu barədə məlumatlar yayılıb. 

 

Timur
 

SEÇİLMİŞ XƏBƏRLƏR

Çox oxunanlar