İranın Təhsil Nazirliyi "Azərbaycan" sözünü dərslikdən çıxarıb-FOTOLAR

SON XƏBƏRLƏR

İranın Təhsil Nazirliyi "Azərbaycan" sözünü dərslikdən çıxarıb-FOTOLAR

2021.11.24, 10:45

Gunaz.tv

Bundan öncə uzun illər boyu tədris olunan və hər kəsə tanış olan “Fədakar əkinçi” hekayəsində “Payızın soyuq günlərindən birinin gün batan vaxtı idi.

Günəş Azərbaycanın qarlı dağlarının birinin arxasında gizlənmişdi” kimi başlayan bölümündən "Azərbaycan" sözü çıxarılıb.

Bununla yanaşı on ilər boyu “Fədakar əkinçi” hekayəsində hamıya tanış olan fotoda da dəyişiklik edilib.

Fotonun "islamlaşdırılması" “fədakar əkinçi”nin alt köynəyi geyindirilməsi sosial şəbəkə istifadəçilərinin istehzası ilə qarşılnıb.

Qeyd edək ki, dərslikdə verilən hekayə real hadisə əsasında qələmə alınıb.

Real olay Şərqi Azərbaycan əyalətinin Miyana şəhərinin Qalacıq kəndində baş verib.

1961-ci ilin payızında “Rizəli Xacəvi” adlı 32 yaşlı əkinçi gecə saatlarında dağ uçqunu nəticəsində Təbriz-Tehran dəmir yolu xəttinin bağlandığını görür.

O, köynəyini çıxararaq yandırır, yaxınlaşmaqda olan qatara doğru qaçaraq bu vasitə ilə maşinisti xəbərdar edir və beləliklə bədbəxt hadisənin baş verməsinin qarşısını alır.

Rizəli Hacəvi 2017-ci ildə 87 yaşında Təbrizin xəstəxanalarından birində dünyasını dəyişdi.

Onun oğlu Yunis Xacəvi 2018-ci ildə yerli mediaya verdiyi müsahibədə atasının hər zaman ona dəyər verilməməsindən gileyləndiyini bildirmişdi.

C.E