İranın Kirman əyalətində ağır yol qəzası baş verib: 7 nəfər ölüb, 3 nəfər yaralanıb

SON XƏBƏRLƏR

İranın Kirman əyalətində ağır yol qəzası baş verib: 7 nəfər ölüb, 3 nəfər yaralanıb

2022.01.08, 13:32

Gunaz.tv

Ciroft Tibb Universitetinin böhran üzrə müdiri Rza Xoşab mediaya açıqlamasında deyib ki, hadisə Kirman əyalətinin Mənucan-Hormozqan magistral yolunda qeydə alınıb.

“Naməlum səbəbə görə baş verən zəncirvari qəzada iki ədəd “Prayd” markalı avtomobil, bir ədəd “Pejo-405” markalı minik avtomobili və iki morosiklet bir-biri ilə toqquşub.

Qəza nəticəsində 7 nəfər yerindəcə həlak olub, 3 nəfər ağır yaralanıb. Yaralılar Mənucan xəstəxanasına yerləşdirilib.

Toqquşma nəticəsində çıxan yanğında ağır yanıq xəsarətləri alan yaralılardan birinin vəziyyəti ağırdır. Hazırda qəzanın səbəbləri araşdırılır”, -deyə Ciroft Tibb Universitetinin böhran üzrə müdiri Rza Xoşab bildirib.

Xoşab sonda deyib ki, avtomobillərin toqquşmasını nəticəsində baş verən yanğına avtomobillərdən birinin “qaçaq yanacaq” daşıması səbəb olub.

Qeyd edək ki, hər il İranın müxtəlif şəhər və bölgələrində baş verən çoxsaylı yol qəzalarında on minlərlə insan həyatını itirir.

A.M