İran İnsan Haqları Təşkilatı: İranda son etirazlarda ölənlərin sayı 154 nəfərə çatıb

SON XƏBƏRLƏR

İran İnsan Haqları Təşkilatı: İranda son etirazlarda ölənlərin sayı 154 nəfərə çatıb

2022.10.05, 04:55

Gunaz.tv

İran İnsan Haqları Təşkilatı ölkədə baş verən son etiraz aksiyalarında hökumət məmurları tərəfindən öldürülənlərin sayının 154 nəfərə çatdığını açıqlayıb.

Məlumatda onlardan 9 nəfərinin azyaşlı və 63 nəfərinin Zahidan şəhərində öldürülən etnik bəluçlar olduğu bildirilib.

İnsan haqları təşkilatının açıqladığı hesabatda İranın 17 əyalətində onlarla insan öldürülsə də, ən çox insan itkisi Sistan-Bəluçistan, Mazəndəran, Gilan və Qərbi Azərbaycan əyalətlərindı qeydə alınıb.

Təşkilatın məlumatında Sistan-Bəluçistan əyalətində 63, Mazəndəran əyalətində 27 nəfər, Gilan 12, Qərbi Azərbaycan 11, Kürdüstan 8, Kirmanşah 7, Tehran 6, Əlborz 5, Xorasan-i Rəzəvi 3, Kohgiluyə və Boyerəhməd 2, İsfahan 2, , Zəncan 2, Qəzvin 2, Şərqi Azərbaycan 1, Simnan 1, İlam 1 və Buşehrdə 1 nəfərin güllələnərək öldürüldüyünü bildirilib.

Ağır yaralı sayının çox olduğuna görə, ölü sayının artacağı ehtimal edilir.

Cavidan