İran saytı: “Tehran və Bakı ağılla yaranmış anlaşılmazlıqlara son qoydular”

27.10.2021, 16:39

İranın SEPAH terror təşkilatına yaxın olan “Tasnim” saytı oktyabrın 26-da İranla Azərbaycan Respublikası arasında baş vermiş son gərginlik və onun aradan qaldırılması barədə bir yazı yayıb.

Gunaz.tv Quote | Gunaz article

“Tehran və Bakı ağılla yaranmış anlaşılmazlıqlara son qoydular” başlıqlı yazıda deyilir ki, qonşu ölkələr arasında baş verən ixtilaflar yalnız üz-üzə duran tərəflərin əcnəbilərdən təsir almadan bir-biri ilə danışıqlar aparması yolu ilə aradan qaldırıla bilər.


“İran İslam Respublikası həmişə dinc ynaşı yaşamaq prinsipi əsasında öz qonşularının hakimiyyət hüququna ehtiramla yanaşılmasına təkid edib və bu çərçivədə qarşılıqlı hərtərəfli əlaqələri inkişaf etdirmək üçün əlindən gələni əsirgəməyib.


Bunun nümunəsini də Ermənistanla Azərbaycan arasında işğal olunmuş Dağlıq Qarabağ bölgəsində baş verən son savaşda İranın konstruktiv mövqe sərgiləməsində və münaqişənin dinc yolla həll olunması üçün diplomatik danışıqların aparılmasına və işğal olunmuş ərazilərin Azərbaycana qaytarılmasının vacib olmasına təkid etməsində görmək olar"-deyə yazıda qeyd olunur. 


Müəllif bildirir ki, İran rəsmiləri tərəfindən sərgilənən və mahiyyəti sülhə və ortaq dəyərlərə söykənən bu yanaşma, bəzən regionda sabitliyi pozmağa çalışan bəzi bədxahların şər əməlləri və müdaxiləsi nəticəsində anlaşılmazlıqlara gətirib çıxarır, qonşuların isə o qədər də yaxşı səslənməyən cavablarına səbəb olur.


"Azərbaycan Respublikası rəsmilərinin son həftələrdə İrana qarşı rəftarı və onların qeyri-etik leksikon və ədəbiyyatdan faydalanaraq bizə qarşı ittihamlar yağdırması bu kimi rəftarlardan bir nümunədir. Bu isə təəssüflər olsun ki, qonşular arasında dinc münasibətlərin olmasını istəməyən və regionda çaxnaşma və böhran yaratmağa çalışan qüvvələrin bu məsələdən sui-istifadə etməsinə səbəb olur.


Lakin bu arada önəm daşıyan məsələ odur ki, Tehran və Bakı müxtəlif səbəblərə görə, o cümlədən də iki ölkə arasında ortaq mədəni və dini cəhətləri və keçmişdən indiyə qədər aralarında olan siyasi və iqtisadi əlaqələri nəzərə alaraq, öz aralarında baş verən anlaşılmazlıqları aradan qaldırmaq və münasibətləri inkişaf etdirmək üçün yenidən əvvəlki arzu olunan nöqtəyə qayıtmaq üçün səy göstərməlidirlər.


Bu arada hər iki tərəfin ağıllı tərpənməsi və onların mövcud gərginliyi azaltmaq üçün birgə atdıqları addımlar iki ölkə arasındakı qədim və isti münasibətlərin yenidən bərqərar olunmasına əlverişli şərait yaradıb”, -deyə SEPAH-a yaxın olan “Tasnim” saytının İranla Azərbaycan Respublikası arasında baş vermiş son gərginliklə bağlı yaydığı yazısında bildirilir.


A.M

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

İbrahim Rəisi Qərbi Azərbaycan əyalətinə səfər edib

2022-05-20

gun az article

"Əhmədrza Cəlali girov götürülüb"- Beynəlxalq Əfv Təşkilatı güneyli alimlə bağlı bəyanat yaydı

2022-05-20

gun az article

Təbrizdə mədəni fəal saxlanılıb

2022-05-20

gun az article

“Sözümüz” proqramında müzakirə: “Xordaddan indiyə, kimlikdən çörəyə” -VİDEO

2022-05-20

gun az article

Təbriz stadionunda Abbas Lisaniyə dəstək şüarları səsləndirilib-VİDEO

2022-05-20

gun az article

"Traxtur"- "Persepolis" oyununda qarşıdurma- Qarşılaşma yarımçıq dayandırılıb-VIDEO

2022-05-19

gun az article

Təbrizdə milli fəallar saxlanılıb

2022-05-19

gun az article

"Problemlərin həll olunmayacağı təqdirdə Rəisinin Qərbi Azərbaycana səfəri mənasızdır"- Millət vəkili

2022-05-19

gun az article

Zənganda məşhur tarixi bina yenidən yandı

2022-05-19

gun az article

SEPAH-ın saytı edama məhkum olunmuş güneyli alimlə bağlı material yayıb

2022-05-19

gun az article

"Görüş”də müzakirə: “İran rejiminə qarşı etirazlar davam edir” və “İran rejiminə qarşi etirazlar və Güney Azərbaycan millətinin tutumu”-VİDEO

2022-05-19

gun az article

Milli fəallar Çahar-Mahal və Bəxtiyari əyalətində türkcə yer adları bərpa edib

2022-05-19

gun az article

"Zülm altında inləyən xalqlarla birgə olacağıq"- Güney Azərbaycan Milli Hərəkatı kütləvi aksiyalara çağırış etdi

2022-05-18

gun az article

Təbrizdə çörək çatışmazlığı etirazlara səbəb olub

2022-05-18

gun az article

Türkiyə mediası İranda türk adlarına qarşı qadağadan yazıb-VİDEO

2022-05-18

gun az article

Urmu stadionunda milli şüarlar səsləndirilib

2022-05-18

gun az article

Ərdəbildə məşhur tarixi təpə dağıdılır

2022-05-18

gun az article

“Ərk” Azərbaycan İnsan Haqları Cəmiyyəti BMT-yə hesabat təqdim edib

2022-05-18

gun az article

“Özümüz” proqramında müzakirə: “Teymurilər” -VİDEO

2022-05-18

gun az article

BMT güneyli alimlə bağlı İran hökumətinə müraciət edib

2022-05-18