“İsrail, Türkiyə və Azərbaycanın İran sərhədlərində gizli və açıq hədəfləri” başlılı yazıda İranın region məsələləri üzrə Hüseyn Kənani Müqəddəm adlı üzdəniraq bir ekspertinin mövzu ilə bağlı müsahibəsinə yer verilib.
Sayt həmin şəxsin dilindən bildirib ki, İsrail, Türkiyə və Azərbaycan Respublikası bölgənin geopolitik xəritəsini dəyişməklə İranı mühasirəyə almağa çalışırlar.
“Belə görünür ki, bölgənin geosiyasi xəritəsini dəyişmək Türkiyə, Azərbaycan və sionist rejiminin gündəmindədir. Onlar İranı mühasirəyə almaqla onun Avropa ilə irtibat yollarını bağlamağa çalışırlar.
Əslində isə İranın şimal-qərb məntəqəsində geopolitik vəziyyətlə bağlı xəritəni dəyişmək illərdir Türkiyə, Aərbaycan, sionist rejimi və NATO-nun gündəmindədir. Onların məqsədi isə Xəzər dənizinə yaxınlaşmaq və İranı mühasirəyə almaqdır"-deyə, yazıda qeyd olunur.
Müsahibə iddia olunur ki, sionistlərin niyyəti isə İraq Kürdüstanı, Türkiyə və Azərbaycanın bir hissəsində, yəni İran sərhədlərində ikinci bir İsraili formalaşdırmaqdır:
"Bütün dəlil-sübutlar göstərir ki, İsrail Azərbaycanla olan səmimi diplomatik əlaqələrinə görə neftə olan ehtiyacının 60 faizini bu ölkədən təmin edir, Azərbaycan isə silahlarının 40 faizini İsraildən alır. Onların isə bölgənin geopolitik xəriəsini dəyişmək və Xəzər yolunu bağlamaqla İranın Avropa ilə irtibat yollarını bağlamaq planları çox ciddidir.
Bundan başqa, sionistlərin bölgədə digər hədəfləri də var. Etniklər arasında ixtilaf salmaq, terrorçu və əksinqilabçı qrupları gündəmə gətirmək, pantürkistlərin və ya İraqın şimalındakı kürd qruplarının separatçılığına dəstək vermək bu qəbildəndir.
Qarabağ savaşında isə sionistlərin rəsmən öz pilotsuz uçan aparatları ilə bölgəyə gəlməinə fürsət yarandı, Türkiyə də ona dəstək verdi.
Dağlıq Qarabağın Azərbaycan Respublikasının ərazisinin bir hissəsi olduğunu nəzərə alaraq, İran o qədər də mənfi mövqe sərgiləmədi. Çünki özünə məxsus ərazilərin bir hissəsinnə yenidən sahib olmaq Azərbaycanın haqqı idi".
Müsahibədə Azərbaycan Respublikasının bütünlüklə İranaməxsus olduğunu iddia edilib.
"Onlar (azərbaycanlılar-red) bilməlidir ki, Azərbaycanın bütünü vaxtilə İrana məxsus olub və Qacarların səriştəsizliyi, rusların isə espansionist siyasəti nəticəsində İrandan ayrılıb. Onlar nə etsələr də, mədəniyyəti, dini və adətləri dəyişdirə bilməzlər.
Belə görünür ki, İranın şimal-qərbi məntəqəsi Qərbin və sionistlərin avanturası üçün bir məkanına çevrilib.
Əlbəttə İranın keçirdiyi hərbi təlimlərini və onun Ermənistanın bir hərbi bazasında bu ölk ilə hərbi və təhlükəsizlik sahədə bir müqavilə imzalanması üçün apardığı danışıqlar, regionda daha mühüm hadisələrin baş verəcəyindən xəbər verir.
Lakin düşünürəm ki bütün bunları həll etmək üçün diplomatik kanallardan da istifadə etmək lazımdır”, -deyə İranın “İsna” agentliyinin region məsələləri üzrə üzdəniraq ekspert, Hüseyn Kənani Müqəddəm adlı bir şəxsin dilindən yaydığı yazısında bildirilir.
A.M
