Bir müddət öncə İranın cənub şərqində yerləşən Sistan-Bəluçistan əyalətinin Rask şəhərinin polis rəisi İbrahim Kuçekzayinin Çabhar şəhərindən olan 15 yaşlı yeniyetmə qıza cinsi təcavüzünü ifşa edib və ictimailəşdirən Mobin Bəluç həbs edilib.
Onun sentyabrın 28-də həbs edildiyini bildirən bəluç fəallar barəsində əlavə məlumatlar əldə edə bilmədiklərini yazıblar.
Qeyd edək ki, bir müddət bundan öncə Rask şəhərinin polis rəisi Çabahardan olan 15 yaşlı yeniyetmə qızı dindirmək adı ilə kabinetinə apararaq onu zorlayıb.
Tanınmış bəluç din xadimlərindən və Rask şəhərinin sünni cümə imamı Əbdülqafar Nəqşbəndinin məsələ ilə bağlı açıqlamasından sonra bəluçlar polis komandirinin cəzalandırılması istəyi ilə aksiyalar keçirməyə başlayıblar.
Yeniyetməyə qarşı polis komandirinin zorakılığının üstündən bir ay keçməsinə baxmayaraq rəis barədə tədbir görülməməsi, rəsmilərin mövqe bildirməməsin etnik bəluçları dahada hiddətləndirib.
Onlar islam adı altında insanları edama məhkum edən, hicaba görə gənc qızları öldürən Tehran rejiminin 15 yaşlı uşağa qarşı edilən təcavüzkar barədə ölçü götürməməsini sünni bəluçlara qarşı ayrı-seçkilik və təhqir kimi qəbul etdiklərini bildirirlər.
Cavidan
