SON XƏBƏRLƏR

İranda edam sayı artmaqda davam edir-Daha 8 məhkum edam olunub

2022.09.08, 06:16
İranda edam sayı artmaqda davam edir-Daha 8 məhkum edam olunub

Gunaz.tv

Hormozqan əyalətinin Minab şəhərinin zindanında narkotik maddələrin alverində günahlandırılan 34 yaşlı Nurullah Salarzehi adlı məhkum edam edilib.

Eyni gündə Kərəcin "Rəcaişəhr" zindanında adam öldürmək və narkotik alverində ittiham edilən daha 7 nəfər asılıb.

İnsan haqları müdafiəçiləri edam edilənlərdən Xosrov Nurbəxş, Məhəmməd Ərəb və Əbülfəz Şahinin kimliyini müəyyənləşdirə biliblər.

Qeyd edək ki, son vaxtlar edam saylarının çoxalması ilə eyni vaxtda sentyabrın 6-da edam cəzasına məhkum edilmiş bir sıra məhbus ailələri Kərəc şəhərinin İnqilab Məhkəməsi qarşısında etiraz aksiyası keçirib.

Onlar edamların dayandırılmasını tələb ediblər.

İran İnsan Haqları Kampaniyasının verdiyi məlumata görə, son 9 ayda İranda 376 nəfər edam edilib və edam olunanların sayı hər gün artmaqda davam edir.

İran İnsan Haqları Təşkilatının məlumatına görə, mövcud statistika göstərir ki, son 30 ildə dünyada uşaq edamlarının 70 faizi İranda həyata keçirilib.

Timur
 

SEÇİLMİŞ XƏBƏRLƏR

Çox oxunanlar