Bu barədə tanınmış iranlı iqtisadçı Məsud Nili açıqlama verib.
“Ərzaq və içkilərin inflyasiyası yanvar ayında 64,9%-a çatıb. Bu da İranda son on illiklərin ən yüksək ərzaq inflyasiyasıdır”, - iqtisadçı bildirib.
Məsud Nili keçmış prezident Həsən Ruhani hökumətinin iqtisadi məsələlər üzrə müşaviri olub.
Qeyd edək ki, bir neçə gün əvvəl İran parlamentinin bir neçə millət vəkili qarşıdakı aylarda rəsmi inflyasiyanın 60%-ə və bəlkə də daha çox olacağına dair proqnozlar veriblər.
Yanvarın 30-da "Həm Mihən" qəzeti ölkədə qida çatışmazlığının artması və süd məhsullarının istehlakının dünya ortalamasının yarısına enməsi barədə məlumat yayıb.
İran parlamentinin Sənaye Komissiyasının üzvü Mürtəza Hüseyni məsələ ilə bağlı verdiyi açıqlamada yaxın vaxtlarda ərzaq mallarında 60% inflyasiyanın gözlənildiyini bildirib.
Timur
