İranlı deputat: “Növbəti müzakirələrin nəticəsi hər iki tərəf üçün uduşlu olmalıdır"

SON XƏBƏRLƏR

İranlı deputat: “Növbəti müzakirələrin nəticəsi hər iki tərəf üçün uduşlu olmalıdır"

2021.10.29, 11:40

Gunaz.tv

O deyib ki, əgər Qərb ölkələri nüvə razılaşmasının canlandırılması üçün aparılan danışıqların yenidən bərpa olunmasını istəyirlərsə, hər şeydən əvvəl İrana qarşı tətbiq etdikləri sanksiyaları ləğv etməlidirlər.

“Amerika və digər Qərb ölkələri müxtəlif sahələrdə ölkəmizə qarşı ədalətsiz sanksiyalar tətbiq ediblər. Həmin sanksiyaların bir hissəsi də 2015-ci ildə nüvə razılaşmasının imzalanmasından sonra, tətbiq edilib, ABŞ-ın keçmiş prezidenti Donald Trampın prezidentliyi dövründə artaraq gücləndirilib.

Hesab edirik ki, aparılacaq növbəti müzakirələrin nəticəsi hər iki tərəf üçün uduşlu olmalıdır, qərblilərin, o cümlədən də Amerikanın İrana qarşı tətbiq etdiyi sanksiyalar ləğv olunmalıdır".

Ərdəşir Mütəhhəri bildirib ki, lüzumsuz danışıqara ehtiyac yoxdur.
"Güman edirəm ki, təkrar və yorucu danışıqların aparılmasının bizim millətə heç bir xeyri yoxdur və bu kimi müzakirələrə gedilməməlidir.

Lakin əgər nüvə danışıqları yenidən bərpa olunacaqsa, hesab edirəm ki, onun bizə müsbət bir nəticəsi olmalı, ölkəmizə qarşı qoyulan bütün sanksiyalar aradan qaldırılmalı, müzakirələrin nəticəsi də bir tərəf üçün yox, hər iki tərəf üçün uduşlu olmalıdır”, -deyə İran parlamentinin deputatı Ərdəşir Mütəhhəri bildirib.

A.M