O, bu gün SEPAH-a yaxın “Tasnim” agentliyinə açıqlamasında deyib ki, oktyabrın 13-ü axşam saatlarında iki ölkə arasında yaşanan gərginliyi müzakirə etmək üçün İran parlamentinin xarici siyasət və milli təhlükəsizlik komissiyasının iclası keçirilib.
“İclasa parlamentin xarici siyasət və milli təhlükəsizlik komissiyasının bir sıra üzvləri, ölkənin şimal-qərb əyalətlərindən olan bəzi deputatlar, İran liderinin Azərbaycan Respublikasındakı nümayəndəsi Seyid Əliəkbər Ocaqnejad, İranın Azərbaycan Respublikasındakı səfiri Abbas Musəvi və ETTELAAT Nazirliyinin ekspertləri qatılıb.
Komissiyanın iclasında Qafqaz bölgəsində baş verən dəyişikliklər və İranla Azərbaycan arasında yaşanan gərginlik barədə müzakirələr aparılıb, fikir mübadiləsi edilib.
Komissiya iclasının yekun nəticələrini nəzərə alaraq, belə görünür ki, ölkənin müxtəlif qurumları Qafqazda baş verən hadisələrin mahiyyətini yaxşı dərk edə bilirlər. Bu isə bölgədəki vəziyyətin real təhlilinə səbəb olub”, -deyə İran parlamentinin xarici siyasət və milli təhlükəsizlik komissiyasının sözçüsü Mahmud Abbaszadə Meşkini bildirib.
Sözçü, komissiya iclasında İranla Azərbaycan arasında yaşanan gərginlik mövzusunun araşdırılması xüsusunda aparılan müzakirələrin detallarını açıqlamayıb.
A.M
