ABŞ Dövlət Departamentinin noyabrın 11-də bununla bağlı yaydığı bəyanatında bildirilir ki, Malinin bölgəyə səfərində məqsəd, İran rejiminin regionun sabitliyinə qarşı yönəlik təxribat xarakterli addımlarından yaranmış narahatlıqlar barədə fikir mübadiləsi aparmaq və ABŞ-ın regional müttəfiqləri ilə bu təhdidin qarşısını almaq üçün birgə mövqedən çıxış etməsini koordinasiya etməkdir.
Bildirilir ki, Malinin məntəqəyə 10 günlük səfəri Bİrləşmiş Ərəb Əmirliklərindən başlayır və başçılıq etdiyi ABŞ-ın yüksək vəzifəli nümayəndə heyəti ilə birlikdə BƏƏ-dən sonra İranın nüvə proqramından ən çox nigaran olan İsrailə səfər edəcək.
İranın nüvə proqramını öz varlığına qarşı “həyati təhlükə” adlandıran İsrail isə bundan əvvəl İranın nüvə təsisatına qarşı hücum etməyə tam hazır olduğunu və bu hərbi hücumu həyata keçirmək üçün müxtəlif planların hazırlanması sürətləndirdiyini bildirib.
Məlumatda qeyd edilir ki, Mali İsrail rəhbərləri ilə İran təhdidi və onun apardığı təhlükəli nüvə proqramı barədə danışıqlar apardıqdan sonra Səudiyyə Ərəbistanına və Bəhreynə səfər edəcək.
Qeyd edək ki, ötən həftə Tehranla Avropa Birliyi arasında əldə olunan anlaşmaya görə, noyabrın 29-da Vyanada İranla Qərb arasında nüvə danışıqlarının 7-ci mərhələsinə başlanılacaq.
A.M
