Oktyabrın 12-də hökumət məmurlarının Ərdəbil şəhərinin qız məktəbinin şagirdlərinə hücumu zamanı 10 nəfərin yaralanıb.
7 şagird isə həbs edilib.
İnsan haqları təşkilatları və sosial media fəalları ərdəbilli mənbələrə istinadən bildirib ki, yaralanan şagirdlərdən biri ölüb.
Təhlükəsizlik məmurları ailəsini məsələni ictimailəşdirməsinlər deyə onun ailəsinə təzyiq edir.
Məsələnin geniş yayılmasından və etirazlara səbəb olmasından sonra Ərdəbil əyalətinin Təhsil İdarəsi və polis qüvvələrinin komandiri açıqlama veriblər.
Ərdəbil əyalətinin Təhsil İdarəsinin başçısı Kəlamullah Səfəri mediaya verdiyi açıqlamada şagirdin öldürüldüyünü təkzib edib.
Bununla yanaşı Ərdəbil valiliyinin təhlükəsizlik və asayişin mühafizəsi üzrə başçısı Əli Məhbubipur da verdiyi açıqlamada bu məsələlərdən əks-inqilabçıların su-istifadə etdiyini iddia edib.
O, şagirdin öldürülmədiyini deməklə yanaşı bir çox video faktların olmasına baxmayaraq, oktyabrın 12-də adı çəkilən "Şahid" məktəbinin bağlı olduğunu və heç bir şagirdin məktəbdə olmadığını iddia edib.
İran Mədəniyyət İşçiləri Həmkarlar İttifaqı Təşkilatlarının Koordinasiya Şurası məsələ ilə bağlı yaydığı bəyanatda Ərdəbilin Şahid qız məktəbinin şagirdlərinə qarşı zorakılıq edildiyini, bir neçə şagirdin yaralandığı və bir neçəsinin həbs edildiyini təsdiq edib.
Qeyd edək ki, oktyabrın 12-i günorta saatlarında hökumət qurumları bir neçə məktəbin, o cümlədən Şahid məktəbinin şagirdlərini küçələrə çıxararaq etirazçılar əleyhinə şüar verməyə məcbur etməyə çalışıblar.
Küçələrə çıxarılan şagirdlər hökumət əleyhinə şüarlar səsləndirdikləri üçün polis və SEPAH qüvvələrinin hücumuna məruz qalıb, ağır döyülüb, yaralanıb və bir neçə şagird həbs edilib.
Timur
