SON XƏBƏRLƏR

Ərdəbilli elm adamı dünyanın ən yaxşı alimləri siyahısında

2021.10.20, 07:36
Ərdəbilli elm adamı dünyanın ən yaxşı alimləri siyahısında

Gunaz.tv

Oktyabrın 11-də mətbuat nümayəndələrinə verdiyi açıqlamada Həsən Hüseynzadə bildirib ki, o, həmin siyahıya  “Elmin Əsas Göstəricilərinin Məlumat Bazası” (ESI), Elm Veb saytı (WOS) və “Clarivate Web of Science İnstitutu”nun dəyərləndirmələrinin nəticələrinə görə salınıb.

Onun sözlərinə görə, Azad Universiteti Gənc və Elit Tədqiqatçılar Klubunun üzvü Nurəddin Qədiminin adı ikinci dəfə olaraq dünyanın 1% ən yaxşı və istedadlı alimləri siyahısında qeydə alınıb.

Ərdəbilli alim, öz araşdırmalarında nəşr olunan məqalələrə 7500-dən çox istinad edərək, mühəndislik sahəsində dünyanın ən yaxşı alimlərinin yüzdə birinin təmsil olunduğu bu etibarlı siyahıya adını yazdırmağı bacarıb.

Nurəddin Qədiminin bu günə kimi 180-dən çox elmi məqaləsi nəşr edilib. 

O, 6 ixtiranın patentini öz adına qeydiyyatdan keçirib, məşğul olduğu sahə üzrə dünya üzrə 2 medal qazanıb və 25 məqaləsi dünyada ən çox istinad olunan məqalələr siyahısına salınıb.

C.E
 

SEÇİLMİŞ XƏBƏRLƏR

Çox oxunanlar