Rəsmi Ankaradan Amerika senatının “soyqırımı” qərarına

SON XƏBƏRLƏR

Rəsmi Ankaradan Amerika senatının “soyqırımı” qərarına - REAKSİYA

2021.10.20, 07:36

Gunaz.tv

GünAz TV: Türkiyənin Xarici İşlər Nazirliyi, Amerika Birləşmiş Ştatları (ABŞ) Senatının 1915-ci il erməni hadisələrini “soyqırımı” kimi tanıyan qətnaməni qəbul etməsini “tarixin necə siyasiləşdirilə biləcəyinin utancverici örnəklərindən biri” adlandırıb.

Bu barədə Xarici İşlər Nazirliyi bəyanat yayıb.

Rəsmi Ankara sözügedən qərarın “Türkiyə-ABŞ münasibətlərinin inkişafı istiqamətindəki səyləri iflasa uğratmağı hədəfləyən bir təşəbbüs” olduğunu qeyd edib.

“ABŞ senatının 1915-ci il hadisələri ilə bağlı 12 dekabr 2019-cu il tarixli qərarı istənilən tarixi bilgi və hüquqi əsasdan məhrumdur”, - XİN-in bəyanatında deyilib.

XİN bəyanatında, həmçinin, Türkiyənin bundan sonra da bölgəsindəki həyati vacib maraqlarını qorumaq üçün apardığı mübarizəni bu cür haqsız və əsassız qərarlardan təsirlənmədən qərarlılıqla davam etdirəcəyi vurğulanıb.

N.S