“Ermənilərə təklif edirik ki, sülh müqaviləsi imzalasınlar”

SON XƏBƏRLƏR

“Ermənilərə təklif edirik ki, sülh müqaviləsi imzalasınlar” - Arzu Nağıyev

2021.11.18, 10:01

Gunaz.tv

Bu fikirləri Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Arzu Nağıyev beynəlxalq qurumların Azərbaycan və Ermənistan arasında sərhədlərin demarkasiyası və delimitasiyası ilə bağlı danışıqların vacibliyini şərh edərkən bildirib.

A.Nağıyev qeyd edib ki, ATƏT-in Minsk qrupunun həmsədrləri hadisəyə yenə də əvvəllər də olduğu kimi deklarativ bəyanatlarla, sülhə çağırışlarla cavab verir:

“Məlum məsələdir ki, burada regional dövlətlərin öz marağı var. Digər dövlətlər də təbii ki, öz maraqlarından çıxış edirlər. Mühüm məqam odur ki, beynəlxalq səviyyədə hamı Azərbaycanın haqq səsini bilir, lakin ikili yanaşma olduğuna görə bu prosesləri o qədər də qabartmırlar.

Əsas məsələ odur ki, biz ərazi bütövlüyümüzü bərpa edirik və demarkasiya və delimitasiya məsələsini gündəmə gətirmişik.

Ermənilərə təklif edirik sülh müqaviləsi imzalasınlar. Bizim başqa hansısa bir istəyimiz yoxdur. Eyni zamanda, tələb edirik 10 noyabr sazişinə hörmətlə yanaşılsın və orada imzası olan hər bir dövlət, Rusiya və Ermənistan özlərinin rəhbərlik imzalarına hörmət etsinlər. Ermənilərə həmin o maddələri yerinə yetirməyə təsir etsinlər”. (modern.az)

Ayxan