"Milyonlarla insan bölgədən köç edəcək"- Urmulu millət vəkilindən təhlükə xəbərdarlığı

18.11.2021, 12:44

Qərbi Azərbaycan əyalətinin İran parlamentindəki nümayəndəsi Vəhid Calalzadə Urmu gölünün qurumasının fəsadlarından danışıb.

Gunaz.tv Quote | Gunaz article

Onun sözlərinə görə, göl quruyacağı halda bölgədən geniş köç başlayacaq.

Noyabrın 6-da şimal-qərb bölgəsi üzrə (Şərqi, Qərbi Azərbaycan, Ərdəbil və Zəngan) Nümayəndələr Məclisinin toplantısında çıxış edən Vəhid Calalzadə Urmu gölünün hazırkı böhranlı durumuna toxunub.

“İndi Urmu gölünün durumu yaxşı deyil və bölgədə yaşayan milyonlarla insanın məişət və yaşayışı təhlükə altındadır”-deyə, millət vəkili bildirib.

Göl quruyacağı halda yaranacaq fəsadlardan danışan millət vəkili hökumət orqanlarına və əlaqədar qurumlara xəbərdarlıq edib.

“Gölün quruması nəticəsində milyonlarla ton duz əmələ gələcək.

Duz fırtınalarının baş qaldırması ekosistemin dəyişilməsi, canlıların məhv olması ilə yanaşı milyonlarla insanın bölgədən köç etməsinə səbəb olacaq”-deyə, Urmunun nümayəndəsi durumun təsəvvür olunduğundan daha acınacaqlı olmasına diqqət çəkib.

Sabiq prezident Həsən Ruhaninin seçkiqabağı Urmu gölünün bərpası ilə verdiyi vədləri xatırladan Calalzadə islahatçıların 8 illik hakimiyyəti dövründə heç bir iş görülmədiyini deyib.

“Gölün durumu günü-gündən pisləşsə də, İbrahim Rəisi iqtidarının qurumanın qarşısının alınması ilə bağlı konkret planı yoxdur”-deyə, o, yeni hökuməti qınayıb.

İki həftə bundan öncə Azərbaycan İnkişaf Evi bəyanat yayaraq Həsən Ruhani hökumətini tənqid edib və Urmu gölünün ətrafında yaşayan 6 milyon azərbaycanlının həyatının təhlükədə olduğunu bildirib.

“6 milyondan çox sakini olan bu bölgənin əhalisi ciddi təhlükə altındadır. Onlar gölün quruması nəticəsində yaranan fırtınaların yaratdığı toz və iqlim dəyişikliyinin zərərli təsirləri ilə üz-üzədir”-deyə, bəyanatda qeyd olunub.

Qeyd edək ki, oktyabrın 21-də Şərqi və Qərbi Azərbaycan əyalətlərinin İran parlamentindəki nümayəndələri və hər iki əyalətin valilərinin iştirakı ilə keçirilən toplantıda çıxış edən İ.Rəisi seçkiqabağı təşviqat kampaniyasında verdiyi vədlərin bir neçəsini yenidən dilə gətirib.

O, Azərbaycan əyalətləri üzrə nümayəndələrin Urmu gölünün durumu və bundan irəli gələn ekoloji fəlakətlərlə bağlı suallarına cavab olaraq bildirib ki, gölün bərpası prosesində yerli mütəxəssislərin, məsulların yardımlarından istifadə olunacaq.

Ancaq bu günə kimi Rəisi hökumətinin hər hansı əməli addım atması ilə bağlı məlumat yoxdur.

Mütəxəssislər və siyasi şərhçilər prezidentin dediklərini Ruhaninin vədlərinin yenilənmiş variantı kimi dəyərləndirir, gölün bərpası istiqamətində fundamental tədbirlərin həyata keçirilmədiyini bildirirlər.

C.E  

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Ərdəbildə torpaq çökməsi böhran həddinə çatıb

2021-12-08

gun az article

Qəzvin və Həmədanda tarixi yer və əşyalar qeydiyyata alınıb

2021-12-08

gun az article

Şərqi Azərbaycanda AİDS xəstələrinin sayı açıqlandı

2021-12-08

gun az article

Həmədan və Qəzvin əyalətlərinin kəndlərində içməli su qıtlığı yaranıb

2021-12-08

gun az article

Millət vəkili qeyri-fars dillərində tədrisi təhlükəli adlandırıb

2021-12-08

gun az article

Mədəniyyət Nazirliyindən mürtəce qərar: Mərənddə kitab sərgisinə icazə verilmədi

2021-12-08

gun az article

Zənganda koronavirus statistikası təhrif olunur

2021-12-08

gun az article

Urmu İranın havası çirkli olan 10 şəhəri siyahısında

2021-12-08

gun az article

Təbrizdə Qacarlar dönəminə aid tarixi tikili dağılmaq üzrədir

2021-12-08

gun az article

Təbrizdə yol qəzalarında ölənlərin sayı artıb

2021-12-08

gun az article

Qərbi Azərbaycanda həbslər: Urmu Şəhər Şurasının üzvləri saxlanılıb

2021-12-08

gun az article

Şərqi Azərbaycanda vacib əhəmiyyətli dəmiryolu layihəsi 21 ildir yarımçıq qalıb

2021-12-07

gun az article

Azərbaycan səfiri İranın energetika naziri ilə görüşüb

2021-12-07

gun az article

Binabın sənaye şəhərciyi ekoloji problem yaradır

2021-12-07

gun az article

Tikantəpənin “Afşar” xalça növü beynəlxalq qeydiyyata alınıb

2021-12-07

gun az article

Ərdəbil əyalətində şiddətli quraqlıq hökm sürür

2021-12-07

gun az article

Güney azərbaycanlı insan haqları müdafiəçiləri Cenevrədə çıxış ediblər

2021-12-07

gun az article

Yoxsulluq nəticəsində Urmuda dilənçilərin sayı çoxalıb

2021-12-07

gun az article

Qərbi Azərbaycanda on minlərlə şagird məktəbli ləvazimatından məhrumdur

2021-12-07

gun az article

Həmədanda tarixi əşya qaçaqmalçıları saxlanılıb

2021-12-07