Əlirza İmanlu qarşıdakı aylarda düşəcək yağıntı miqdarının təhlil edildiyini və əldə olunan nəticələrə əsasən əyalətin ən azı 650 kəndində su çatışmazlığının olacağını bildirib.
O, bildirib ki, bunun mənfi təsirlərini azaltmaq üçün əlaqədar qurumlarla əhalinin birgə fəaliyyətinə ehtiyac var. Başçının sözlərinə görə, vətəndaşlar da rəhbərlik etdiyi quruma dəstək verməlidir.
Su çatışmazlığı ilə bağlı Təbrizdə Şərqi Azərbaycan valiliyində keçirilən toplantıda valinin müavini və Miyana şəhərinin Fərndarı Məsud Səadəti də problemin ciddi olduğunu vurğulayıb.
“Hazırda Miyananın 20-dən çox ailə yaşayan 350 kəndinin 240-da ciddi su qıtlığı hökm sürür”-deyə, M.Səadəti bildirib.
Toplantıda çıxış edən Miyana şəhərinin İran parlamentindəki nümayəndəsi Mehdi İsmaili isə 20 ildir bölgənin içməli suyunun keyfiyyətinin yaxşılaşdırılması ilə məsələnin hələdə həll olunmamış qaldığını, əhalinin çirkli və keyfiyyətsiz sudan istifadə etməyə məcbur olduğunu deyib.
Millət vəkili uzun illərdir bölgə əhalisinin müraciətlərinə əhəmiyyət verilmədiyini tənqid edərək. yeni hökumət dövründə bunun həll olunmasını arzuladığını söyləyib.
C.E
