Şərqi Azərbaycanda poladəritmə sənayesi iflas etmək üzrədir

SON XƏBƏRLƏR

Şərqi Azərbaycanda poladəritmə sənayesi iflas etmək üzrədir

2021.12.29, 10:02

Gunaz.tv

Kərim Rəhimi bildirib ki, cari ildə əyalətin sənaye müəssisələrində elektrik enerjisinin 30% azalması ciddi problemlər yaradıb.

O, bir sıra sənaye sahələrinin müflis olmaq təhlükəsi ilə qarşı-qarşıya qalması barədə xəbərdarlıq edib.

“Şərqi Azərbaycanın poladəritmə sənayesi elektrik enerjisinin kəsintisi təqdirdə işi dayandırmağa məcbur olur. Bu sahədə gündəlik elektrik enerjisindən istifadəni azaltmaq mümkün deyil.

Enerji çatışmazlığı sənaye, xüsusilə poladəritmə sənayesi sahəsində geniş ziyanlar vurub və bu vəziyyətin davamı böhranı dahada dərinləşdirəcək”-deyə, Rəhimi bildirib.

O, cari günəş ilinin birinci yarısında sənaye müəssisələrinin 3 ay tətil olduğunu. hazırkı vəziyyətlə ilin ikinci yarısında da bunun davam edəcəyini deyib.

Şərqi Azərbaycan Polad Sənayesi Birliyinin İdarə Heyətinin başçısı problemin müzakirəsinə həsr olunan toplantıda bildirib ki, məsullar vəziyyətdən çıxmaq üçün mazutdan istifadəni təklif ediblər.

“Hazırda əyalətdə mövcud olan ekoloji vəziyyət, ətraf mühit problemləri buna imkan vermir. Mazutdan istifadəyə başlayacaqları təqdirdə isə cərimə olunacaqlar”-deyə, Kərim Rəhimi, mazutdan istifadə etməyin vəziyyətdən düzgün çıxış yolu olmadığını qeyd edib.

Təbrizin Elektrik Enerjisi Tədarükü İdarəsinin nümayəndəsi Seyid İbrahim Əfkari problemin ciddi olduğunu təsdiq edib və bunun qarşıdakı dövr dahada dərinləşəcəyini söyləyib.

“Yayda təxminən 14 min meqavat elektrik enerjisi çatışmazlığı var idi. Bu şəkildə davam etsək, qarşıdakı illərdə 29 min meqavat elektrik enerjisi qıtlığı ilə üzləşəcəyik.

Buna görədə elektrik stansiyalarının tikintisi, təkmilləşdirilməsi və optimallaşdırılması barədə addımlar atılmalıdır”-deyə, Əfkari hökuməti tədbirlər planı hazırlamağa çağırıb.

C.E