Həsən Cədidi Əncird mis mədəni ərazisində qanunsuz olaraq daha dörd yerdə quyunun qazıldığı barədə məlumat verib.

O, məsələ ilə bağlı Əhər şəhərinin Su İdarəsinə yazılı müraciət etdiklərini və qazıntı aparılanlara qarşı ölçü götürülməsini tələb etdiklərini deyib.

 Cədidi onsuz da bölgədə quraqlıq və su qıtlığının yaşandığı dönəmdə mədən istixracı üçün əlavə quyuların qazılmasını bölgə əhalisinin içməli su təminatı və kənd təsərrüfatı sahəsinə mənfi təsir göstərdiyini bildirib.

“Mədən ərazisində qanunsuz quyuların qazılmasından sonra bölgə kəndlərində yaşayann əhalinin problemləri iki qat artıb. Yeraltı suların nasoslar vasitəsilə mədəndə qurulan su anbarlarına vurulması çayın və nulaqların qurumasına səbəb olub”-deyə, o qeyd edib.

Əncird mis mədəninin fəaliyyəti bundan öncədə yerli əhalisi arasında narazılıqlara səbəb olubdur.

Mədənin zəhərli tullantılarının təbiətə buraxılması, yeraltı və yersütü su qaynaqlarının çirkləndirilməsi kənd təsərrüfatı və bağ sahələrinin ziyan görməsinə səbəb olub.

Bununla yanaşı Mədənlərin istismarı ilə bağlı qəbul edilən qaydalara zidd istismar və həyata keçirilən partlayışlar nəticəsində ətraf kənd evlərində çatlar əmələ gəlib, əkin və bağ sahələri, su qaynaqları məhv edilir. 

Partlayış və qeyri-standart istixracdan xüsusilə əziyyət çəkən Əncird kəmdimim əhalisi noyabrın 6-da baş verən partlayışların görüntülərinin sosial mediada yayaraq ətraf mühit fəlllarından, məsul məqamlardan bunun qarşısının alınmasını istəyiblər.

Onlar bu sayaq qaydasız istixracın davam edəcəyi təqdirdə ətraf bölgələrdə, özəlliklə Əncird kəndində yaşayan əhalinin öz yurd-yuvalarını tərk etmək məcburiyyətində qalacaqlarını qeyd ediblər.

Məsələ ilə bağlı tanınmış ekoloq Əhməd Bayburdi sosial mediada paylaşım edərək ekoloji problem barədə xəbərdarlıq edib.

“Bu gün televiziyada Əncird mis mədənində baş verən partlayışlarla bağlı videoları gördüm. Qaydalara əsasən mədən partlayış baş verən ərazilərlə kənd arasında ən azı 800 metr ara olmalıdır.

Burada bu qayda riayət olunmadığı üçün partlayış nəticəsində havada əmələ gələn tozlar kənd ərazisinə yayılır, bölgə əhalisində tənəffüs problemlərinin və başqa bu sayaq xəstəliklərin yaranmasına səbəb olur”-deyə ekoloq yazıb.

C.E