SON XƏBƏRLƏR

Vədud Əsədiyə qarşı təzyiqlər davam edir: Milli fəal qanunsuz olaraq zaminə buraxılmır

2021.11.08, 06:35
Vədud Əsədiyə qarşı təzyiqlər davam edir: Milli fəal qanunsuz olaraq zaminə buraxılmır

Gunaz.tv

Onun zaminə buraxılması üçün lazim olan girovun qoyulsa da, fəal qanunsuz olaraq həbsdə saxlanılır.

Əsədinin zaminə buraxılması üçün Rəştin Ümumi və İnqilab Məhkəməsi tərəfindən 170 milyon tümənlik vəsiqə təyin edildiyi bildirilir.

Lakin həmin məhkəmə "cinayət işinin təkmil olmamasını" bəhanə edərək fəalın zaminə buraxılmasına mane olub.

Qeyd edək ki, Vədud Əsədi oktyabrın 30-ü, axşam saat 19.00 radələrində yaşadığı mənzildə təhlükəsizlik məmurlarının basqını nəticəsində həbs olunub.

Onun saxlanılması barədə heç bir məhkəmə arayışı təqdim etməyən məmurlar Əsədiyə aid kompüteri və mobil telefonu müsadirə ediblər.

Həmçinin milli fəalın ailə üzvlərinə aid 4 ədəd mobil telefonu özləri ilə aparıblar.

Bundan öncə Vədud Əsədi bir neçə dəfə polis tərəfindən həbs olunub və milli-mədəni fəaliyyətlərinə görə təhlükəsizlik məmurlarının təhdidlərinə məruz qalıb. 

Bununla yanaşı, o, ikinci Qarabağ savaşı zamanı İranın Ermənistana verdiyi dəstəyə etiraz, Azərbaycan Ordusuna dəstək aksiyasında iştirak etdiyinə görə 13 gün müddətinə saxlanılmışdı.

C.E
 

SEÇİLMİŞ XƏBƏRLƏR

Çox oxunanlar