Təbrizdə avtobus qəzası baş verib- Çoxlu sayda ölən və yaralananlar var

SON XƏBƏRLƏR

Təbrizdə avtobus qəzası baş verib- Çoxlu sayda ölən və yaralananlar var

2021.10.20, 07:36

Gunaz.tv

GünAz TV: Təbriz-Sufiyan yolunda avtobus yoldan çıxaraq aşıb.

Şərqi Azərbaycan əyalətinin Təcili Tibbi Yardım Xidmətinin sözçüsü Vəhid Şadiniyanın məlumatına görə, bu gün səhər saat 6 radələrində baş vermiş qəza nəticəsində 1 nəfər ölüb, 22 nəfər ağır dərəcəli bədən xəsarətləri alıb.

25 kilometr uzunluğunda olan Təbriz-Sufiyan magistralı avtomobillərin çox hərəkət etdiyi və saysız-hesabsız qəzaların baş verdiyi yollardan biri hesab edilir.

Bu, son 1 ay ərzində Şərqi Azərbaycan ərazisində avtobusun aşması nəticəsində baş verən 3-cü yol nəqliyyat hadisəsidir.

Güney Azərbaycan yollarının bərbad vəziyyətdə olması, İran istehsalı olan avtobus və maşınların təhlükəsizlik standartlarına cavab verməməsi, eləcə də keyfiyyətsiz ehtiyat hissələrinin bazarda açıq-aşkar satılması kimi amillərə görə Azərbaycan əyalətlərində tez-tez bu cür ölümlə nəticələnən qəzalar baş verir.

Ə.A