Təbrizdə tanınmış azərbaycanlı fəal Abbas Lisaninin azadlığını tələb edən posterlər paylanılıb

SON XƏBƏRLƏR

Təbrizdə tanınmış azərbaycanlı fəal Abbas Lisaninin azadlığını tələb edən posterlər paylanılıb – GÖRÜNTÜ

2021.10.20, 07:36

Gunaz.tv

GünAz TV: Güney Azərbaycanın Təbriz şəhərində tanınmış ərdəbilli milli-mədəni fəal Abbas Lisaninin azadlığını tələb edən çox sayda poster paylanılıb.

Bir çox poster isə azərbaycanlı fəallar tərəfindən həmin şəhərin ən hərəkətli yerlərində divarlara yapışdırılıb.

Tanınmış fəal iyulun 5-i və 6-da keçirilmiş Babək qalası yürüşünə bir neçə gün qalmış (iyulun 2-də) İranın təhlükəsizlik qüvvələri tərəfindən Ərdəbildə öz iş yerində saxlanılıb. Onun vəziyyəti ilə bağlı bu günə qədər ətraflı məlumat yoxdur.

Son məlumata görə, tanınmış fəalın dosyesinə Təbriz İnqilab Məhkəməsinin 11-ci Şöbəsində baxılır.

Bu barədə Ərdəbil prokuroru Nasir Ətəbati iyulun 11-də prokurorluğa müraciət edən Abbas Lisaninin həyat yoldaşı Rüqəyyə Əlizadəyə məlumat verib.

“Abbas Lisani iyulun 2-də Şərqi Azərbaycan məhkəmə sisteminin qərarı ilə saxlanılıb, hazırda onun dosyesinə Təbriz Məhkəməsinin 11-ci Şöbəsində baxılır”- deyə Ərdəbil prokuroru bildirib.

Abbas Lisani Azərbaycan Milli Hərəkatının tanınış simalarından biridir. O Azərbaycan türk millətinin demokratik və milli hüquqları uğrunda apardığı mədəni mübarizəyə görə uzun illər həbs edilib, dəfələrlə saxlanılıb, işgəncələr görüb və müxtəlif təzyiqlərə məruz qalıb.

Təbriz şəhərində rast gəlinən posterlər: