GünAz TV: Amerika Birləşmiş Ştatları (ABŞ) Prezidenti Donald Tramp lazım olacağı təqdirdə OPEK+-un ardınca neft hasilatının azaldılması ilə bağlı qərar verəcəyini istisna etməyib.
APA “RİA Novosti”yə istinadən xəbər verir ki, Tramp mətbuat konfransında OPEK+ üzvlərinin Vaşinqtona bununla bağlı sorğu göndərəcəyi təqdirdə ABŞ-ın istehsalı azaldıb-azaltmayacağına dair sualı cavablandırarkən belə deyib.
“Bu, verməli olduğumuz bir qərardır. Belə bir qərarı verə də bilərik, verməyə də bilərik”, - deyə bildirib.
Eyni zamanda, Ağ Ev rəhbəri qeyd edib ki, indiyə qədər ona belə bir sorğu ilə müraciət olunmayıb və hazırda bazarda tələb olmadığından, o bunun avtomatik olaraq baş verəcəyinə inanır.
N.S
