SON XƏBƏRLƏR

“Traxtur” komandası tarix yazdı - VİDEO

2021.10.20, 07:36
“Traxtur” komandası tarix yazdı - VİDEO

Gunaz.tv

GünAz TV: Güney Azərbaycanınm “Traxtur” futbol komandası yeni rekorda imza atıb.

 

İranın futbol tarixində heç bir komanda ardıcıl 56 ötürmədən (pas) sonra qol vurmağa nail olmayıb, lakin bu dekabrın 24-də Təbrizin səhənd stadionunda “Traxtur”la Xuzistanın “İstiqlal” komandası arasında keçirilən görüşdə mümkün olub.

 

Məlumata görə, “Traxtur”un üçüncü qolu 1 dəqiqədən az müddətdə 56 ardıcıl ötürmədən sopra Ehsan Pəhləvan tərəfindən vurulub. Qolun vurulması üçün şərait yaradan məhsuldar ötürmələrin 11-i İsmailifər, 9-u Mehdipur, 8-i İbrahimi və qalanları digər oyunçular tərəfindən verilib.

 

https://www.youtube.com/watch?time_continue=7&v=MwBsVoPgmgw

 

Bu zəmində bundan əvvəlki rekord da “Traxtur”a aid olub. Azərbaycan komandası 2015-ci ildə görüşlərinin birində 25 ardıcıl ötürmədən sonra qol vurmuşdur.

 

Avropa klubları arasında qoldan əvvəl sayca ən çox ötürmə rekordu “Manchester City” komandasına aid olub. Bu komanda 84 saniyyə ərzində 52 ardıcıl ötürmədən sonra qol vurmağa nail olub.

 

“Traxtur”un yeni rekorda imza atması İranın heç bir mətbuat orqanında dərc olunmayıb. Bu, yenə də mətbuatın “Traxtur”u bir növ boykot etməsinə işarədir.

 

Bu arada “World club” saytı Dünya üzrə futbol klublarının növbəti reytinq siyahısı açıqlanıb.

 

Siyahıda “Traxtur” komandası bundan əvvəlki sıralamaya nisbətən 63 xal (imtiyaz) və 18 pillə yüksəlib. Azərbaycan komandası 1166 xalla (imtiyaz) dünya üzrə 543-cü komandadır.

 

Güney Azərbaycanın digər komandası “Qostəreşe fulad” isə 22 pillə yüksələrək 1025 xalla 590-ci yerdə qərarlaşıb.

 

Reytinq siyahısına 3 İspaniya komandası “Real Madrid”, “Barselona” və “Atletiko Madrid” komandaları başçılıq edir.

 

N.S

SEÇİLMİŞ XƏBƏRLƏR

Çox oxunanlar