Ötən ilin avqustunda Böyük Britaniyanın Azərbaycandakı səfirliyinə edilən terror hücumunu yada salan QHT rəhbəri deyib ki, Tehranda baş verən olay təsadüfi deyil: “Londondakı səfirliyimizdəki hadisəni “Mehdinin Xidmətçiləri Birliyi” adlı qrup törətmişdi.
Divara ərəb dilində şüarlar vurulmuş, Azərbaycanın dövlət bayrağı cırılmışdı.
O zaman bu dini qrupun İranın hakim rejimi ilə əlaqələrinin olduğuna dair şübhələr var idi. İran tərəfi bu təkzib etsə də aydın idi ki, bu qrup və molla hakimiyyəti eyni ideologiyaya xidmət edirlər, dünyəvi dövlətə qarşıdırlar.
Azərbaycana qarşı təxribatların arxasında İranın durduğunu söyləmək üçün əlimizdə əsaslar var.
Qarabağın işğaldan azad olunması ilə bitən 44 günük Vətən müharibəsi zamanı özünün müsəlmanların hamisi adlandıran İran məscidlərimizə donuz bağlayan erməniləri dəstəklədi.
Gizli yollarla onlara yardımlar göndərdi. 44 günlük savaşdan sonra İran dövləti Cənubi Qafqazda yaranmış yeni düzənə qarşı çıxdı. Rəsmi Tehran Azərbaycan üçün həyati əhəmiyyət daşıyan Zəngəzur dəhlizini açılmasını əngəlləyən siyasət yeritməyə başladı.
İranın silahlı qüvvələrinin generalları dəfələrlə Azərbaycanı təhdid etdilər”.
E. Cəfərli hesab edir ki, Azərbaycan səfirliyinə edilən hücum Azəbaycana növbəti dəfə gözdağı verməyə hesablanıb: “Bununla bizi yolumuzdan döndərməyə, xüsusilə İsrail dövləti ilə əlaqələri genişləndirməkdən çəkindirməyə çalışırlar.
Ancaq bu kimi təhdidlər Azərbaycanı çəkindirə bilməz. Azərbaycan müstəqil dövlətdir, hansı dövlətlə diplomatik münasibətlər quracağımızı biz müyyən edirik və bu seçim bizim müstəsna hüququmuzudur”.
Ayxan
