GünAz TV: Urmiyə Şəhər Şurasının üzvü Hüseyn Pənahi Qərbi Azərbaycanın yerli olmayan kürd kökənli valisi Məhəmməd Mehdi Şəhriyarinin ötən əsrin əvvəllərində Azərbaycan türklərinə qarşı törədilən Ciloluq qətliamını inkar edən çıxışına tutarlı cavab verib.
O bu barədə “Azərbaycan əhalisinin qeyrət damarını təhrik etməyin” başlığı altında bir mətn paylaşıb.
“Azərbaycan əhalisi tarix boyu bir çox zülm və qarətlərə məruz qalıb, lakin heç zaman zümlü cavabsiz qoymadığını sübut edib və bütün böhranları qəhrəmancasına qələbə ilə araxada qoyub. Azərbaycan hamiya qarşı tolerant və səbirli olub, buna baxmayaraq əsalisi savaş meydanlarında kişi kimi əməl edib, edir və edəcək.
Azərbaycanlı kişilərin qeyrəti kimsəyə gizli deyil, onlar qərəzli və içi boş planları hər zaman pozublar. Azərbaycanlılar öz cəsarətləri və kişilikləri ilə kimsəyə şanlı tarixlərinə kəc baxmağa icazə verməyib.
Bura Həsənilər, Əminilər, Bakirilər, Kazımxanlar və Əsgərxanlar kimi aslan kişilərin torpağıdır. Ona görə də Azərbaycan gəmisində oturub onu dəlməyə çalışmayın”- deyə şura üzvünün yaydığı mətndə qeyd olunub.
XX əsrin əvvəllərində birinci dünya müharibəsinin sonlarında erməni, asuri və kürd dəstələri bir sıra xarici ölkələrin dəstəyi ilə Güney Azərbaycanın Urmiyə, Salmas və Xoy şəhərlərində kütləvi qətliam törədiblər. Kütləvi qırğın zamanı onminlərlə günahsız azərbaycanlı qətlə yetirilib. Bu tarixi hadisə, Ciloluq faciəsi kimi tarixə düşüb.
Qərbi Azərbaycan valisi Məhəmməd Mehdi Şəhriyari radikal kürdlərdən biridir, o Şimali Xorasanın Bocnurd şəhərindəndir.
Məhəmməd Mehdi Şəhriyari dekabrın 7-də ötən əsrin əvvəllərində azərbaycanlılara qarşı törədilən Ciloluq qətlimanını inkar edərək onu dəyərsiz hadisə adlandırıb. Mövzu ilə bağlı öyrəncilərin qarşısında çıxış edən vali bu məsələnin gündəmə gətirilməsini Qərbi Azərbaycanın inkişafına mane olduğunu bildirib.
Onun qərəzli çıxışı güney azərbaycanlılar tərəfindən kəskin etirazla qarşılanıb, soydaşlarımız Qərbi Azərbaycana təhmil olunan valinin tutduğu vəzifədən uzaqlaşdırılmasını tələb edir.
N.S
