Azərbaycan Ordusunun sərhəddə təlimlər keçirməsi güneylilər tərəfindən sevinclə qarşılanıb

SON XƏBƏRLƏR

Azərbaycan Ordusunun sərhəddə təlimlər keçirməsi güneylilər tərəfindən sevinclə qarşılanıb

2022.11.03, 07:45

Gunaz.tv

Təbrizin "Azərəncümən" xəbər saytı və teleqram kanalında Azərbaycan Müdafiə Nazirliyinin hərbi təlimlərin keçirilməsi ilə bağlı məlumatı yayılıb.

"Bu təlim xüsusi təyinatlıların komandanı, general-leytenant Hekmət Mirzəyevin komandanlığı altında keçirilir. Hərbi hissələr kazarmadan çıxdıqdan sonra ölkənin cənub sərhədinə yaxın ərazilərə göndərilib"-deyə, Təbriz saytı Azərbaycan MN-nin məlumatını dərc edib.

Xəbərin şərh bölümündə yüzlərlə güney azərbaycanlı Azərbaycan və fars dillərində yorum yazaraq, bunu alqışlayıb, Azərbaycan Ordusuna uğur diləyiblər.

Güney azərbaycanlı internet və sosial media istifadəçiləri "SEPAH-ın Araz qırağında keçirdiyi təlimlərə tutarlı cavabdır", "Azərbaycan var olsun, istəməyən kor olsun", "Azərbaycana canlar fəda", "yaşasın Azərbaycan əsgəri" və başqa bu kimi yorumlar yazıblar.

Timur