Azərbaycanlı xeyriyyəçilər Xoyda məktəb çatışmazlığını aradan qaldırır

SON XƏBƏRLƏR

Azərbaycanlı xeyriyyəçilər Xoyda məktəb çatışmazlığını aradan qaldırır

2022.03.02, 11:10

Gunaz.tv

“Xoy Xeyriyyəçilər Birliyi”nin başçısı Ummar Zabihi yeni tikilmiş məktəbin açılışında çıxış edərək Qərbi Azərbaycanın Xoy şəhərinin 3 kəndində 15 sinif otağından ibarət 3 məktəbin istifadəyə verildiyini deyib.

Onun sözlərinə görə, yerli xeyriyyəçilərin büdcəsi hesabına başa gələn məktəblər “Var” və “Selkədə” kəndlərində, bir məktəb isə “Yəzdəkan” kəndində şagirdlərin üzünə açılıb.

1880 kvadratmetr torpaqda 12 milyard tümən büdcə ilə tikilən məktəblərdə 450 şagirdin təhsil alacağını deyən Zabihi, hal-hazırda daha 25 məktəbin tikintisinin Xoy xeyriyyəçiləri tərəfindən davam etdirildiyini deyib.

Xatırladaq ki, uzun illərdir yeni məktəblərin tikintisi ilə yanaşı köhnə təhsil ocaqlarının təmiri və maddi-texniki təchizatına dövlət tərəfindən büdcə ayrılmadığı üçün yerli xeyriyyəçilər problemi həll etmək məcburiyyətində qalırlar.

Təhsil Nazirliyinin yerli nümayəndələri isə məsuliyyəti öz üzərindən atmağa çalışırlar.

“Məktəb tikintisi, təmiri və təhsil ocaqlarının maddi texniki təchizatı üçün mərkəzdən vəsait ayrılmır”-deyə yerli məsullar məsələni xeyriyyəçilərin hesabına həll etməyə çalışırlar.

C.E