Zərif: “Regionda müharibənin qarşısını ala biləcəyimizə əmin deyiləm”

24.09.2019, 12:17

GünazTV: Nyu-Yorkda səfərdə olan İranın xarici işlər naziri Məhəmmədcavad Zərif sentyabrın 23-də CBS telekanalına müsahibəsində Səudiyyə Ərəbistanının Aramco neft təsisatlarına hücuma toxunaraq, regionda yeni bir savaşın baş verə biləcəyindən danışıb.

 

Ölkəsinin Aramco təsisatlarına hücumda rol oynadığı ilə bağlı yayılan məlumatları təkzib edən Zərif deyib ki, o, ölkəsinin baş verə biləcək savaşın qarşısını almaq iqtidarında olub-olmaması barədə qəti fikir söyləyə bilməz: “Regionda müharibənin qarşısını ala biləcəyimizə əmin deyiləm. Lakin yalnız onu deyə bilərəm ki, əgər hər kəs bu savaşı başlasa, o artıq bu müharibəni bitirən tərəf olmayacaq. Daha doğrusu, belə bir müharibə regionla məhdudlaşmayacaq” –deyə İranın xarici işlər naziri Məhəmmədcavad Zərif əlavə edib.

 

Zərif həmin gün “Twitter” səhifəsində paylaşdığı bir yazıda üç Avropa ölkəsi rəhbərlərinin birgə bəyanat yayaraq, İranı Səudiyyə Ərəbistanının neft təsisatlarına hücumda günahlandırılmasına və rəsmi Tehranı yeni nüvə danışıqlarına çağırmasına da münasibət bildirib.

 

Ölkəsinin Aramco neft təsisatlarına hücumların arxasında olduğunu təkzib edən Zərif deyib ki, rəsmi Tehran nüvə fəaliyyətləri ilə bağlı Qərblə hər hansı bir yeni danışıqlara getməyəcək: “Amerikanın 2018-ci ilin may ayında nüvə sazişindən çıxmasından sonra üç Avropa ölkəsinin sazişlə bağlı öz üzərlərinə götürdükləri öhdəliklərin icrasında uğursuz qaldıqları tam bəlli idi.

 

Bu nöqsanın aradan qaldırılması üçün də bircə həll yolu var. O da budur ki, Amerikanın razılaşma ilə bağlı ziddiyyətli tələb və iddialarını ortaya qoymaqdansa, müstəqil bir yol tapmaq üçün iradə olmalıdır. Hesab edirik ki, hazırkı nüvə sazişin tam icrasından əvvəl yeni bir razılaşmaya nail olmaq üçün danışıqlar aparılması mümkün deyil” – deyə Zərif bəyan edib.

 

Qeyd edək ki, BMT Baş Assambleyasının 74-cü sessiyasına qatılmaq üçün Nyu-Yorka səfər edən Fransa, Almaniya və Böyük Britaniya rəhbərləri sentyabrın 23-də birgə bəyanat yayaraq, Səudiyyə Ərəbistanının neft təsisatlarına qarşı hücumların arxasında İranın durduğunu bildiriblər. 

 

Fransa prezidenti Emmanuel Makron, Almaniya kansleri Angela Merkel və Britaniyanın baş naziri Boris Consonun yaydığı birgə bəyanatında deyilir ki, Aramco-ya hücumların birbaşa səbəbkarı İrandır: “Aydın məsələdir ki, Səudiyyə Ərəbistanının neft təsisatlarına qarşı hücumların arxasında İran durur. Bununla bağlı başqa mümkün hər hansı bir izahat yoxdur. Hesab edirik ki, İran qonşularına qarşı provokasiya aparmaq əvəzinə dialoq yolunu seçməlidir.  Biz, həmçinin hesab edirik ki, İran hökumətinin apardığı nüvə və raket proqramı barədə, eləcə də regionun təhlükəsizliyi ilə bağlı uzunmüddətli danışıqlara qatılmasının zamanı çatıb” –deyə bəyanatda bildirilir.

 

Xatırladaq ki, sentyabrın 14-ü səhər saatlarında Səudiyyə Ərəbistanının dövlət neft şirkəti olan Aramco-nun iki əsas neft təsisatına qarşı dron hücumları olub. Hücum nəticəsində həmin şirkətin ən böyük neft istehsalı müəssisəsi olan Abqaiq və Xuraisdə neft təsisatlarında güclü yanğın baş verib. Neft istehsalının həcmi kəskin dərəcədə aşağı düşüb.

 

 

Rəsmi Ər-Riyad və Vaşinqton hücumların İran ərazisindən həyata keçirildiyini bildirsələr də, rəsmi Tehran bu ittihamı rədd edərək, hücumların Yəməndəki Husilər tərəfindən gerçəkləşdirildiyini iddia edir.

 

A.M

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

İranda qaşqay mədəni fəal həbs edilib-VİDEO

2022-08-10

gun az article

“Özümüz” proqramında müzakirə: “Səfəvi imperiyası: təriqətdən şəriətə” -VİDEO

2022-08-10

gun az article

Güneyli məhbus barədə yeni cinayət işi açılıb

2022-08-10

gun az article

Şərqi Azərbaycanda işsizlərin 68 faizi universitet məzunlarıdır

2022-08-10

gun az article

Həmədanda qaz borusu partlayıb-Ölən və yaralananlar var

2022-08-10

gun az article

"Onun divarda “Ya Hüseyn” yazması dini məsələ deyil"-Əhməd Obalı-VİDEO

2022-08-09

gun az article

Muğanda "yaşıl soyqırım": Yüzlərlə çoxillik ağac kəsilib-VİDEO

2022-08-09

gun az article

Milli fəal Ruzbeh Pirinin xəstəxanaya köçürülməsinə icazə verilmir

2022-08-09

gun az article

Urmu gölü ilə bağlı son durum açıqlandı: Su həcmi ekoloji vəziyyətlə müqayisədə 88 faiz azalıb

2022-08-09

gun az article

Cəfər Pənahi müalicə olunmadan həbsxanaya qaytarılıb-"Ondan xəbər ala bilmirik"-Xanımı

2022-08-09

gun az article

“Parlaq gələcək”də müzakirə: “İran terrorçuluğunda yeni gəlişmələr” və “Şuubiyyə, Məhərrəmlik və pan-İranizmin tavrları”- VİDEO

2022-08-09

gun az article

Türkiyədə "İranda türkcə yer adları" kitabı nəşr edilib

2022-08-09

gun az article

Əhərdə işsizlərin sayı artıb

2022-08-09

gun az article

Güney Azərbaycan təşkilatları İranın anti-Azərbaycan siyasəti ilə bağlı bəyanat yayıb

2022-08-08

gun az article

Güneyli fəaldan Urmu gölü ilə bağlı maraqlı aksiya-VİDEO

2022-08-08

gun az article

"Yarpaq" ekoloji cəmiyyəti Xoyda aksiya keçirib-FOTO

2022-08-08

gun az article

Təbrizdə SEPAH və "Bəsic" üzvləri Azərbaycan konsulluğunun binasına dini bayraq asıblar

2022-08-08

gun az article

"İran-Rusiya əlaqələrinin inkişafı sanksiyaların təsirinin azalmasına səbəb olub"-Millət vəkili

2022-08-08

gun az article

Azadlıq səsi: “Güney Azərbaycan azadlıq hərəkatının terror təşkilatlarına mövqeyi”-VİDEO

2022-08-08

gun az article

“Düşünməyə çağırış” proqramında müzakirə: “İranın Quzey Azərbaycanı qarışdırma siyasəti”- VİDEO

2022-08-08