Contact Us

SON XƏBƏRLƏR

Pezeşkian hökumətinin 100 günü - Mediaya təzyiqlər davam edib

2024.11.09, 10:36
Pezeşkian hökumətinin 100 günü - Mediaya təzyiqlər davam edib

İranın yeni Prezidenti Məsud Pezeşkianın seçlməsindən keçən 100 gün ərzində media qurumları və jurnalistlərə qarşı təzyiqlər davam edib.

Gunaz.tv

Bu barədə Azad İnformasiya Axışını Müdafiə Təşkilatı məlumat yayıb.

Bildirilib ki, bu müddət ərzində 78 media qurumu və jurnalitsə qarşı təzyiqlərolub, onların bəziləri barəsində cinayət işi açılıb və bir neçə jurnalist həbs edilib.

"Bu müddət ərzində mətbuat orqanları və jurnalistlərə qarşı ən azı 38 yeni məhkəmə işi qaldırılıb və bu işlərin 50%-dən çoxunda (20 iş) iddiaçı dövlət qurumları və hakimiyyət orqanları olub",- məlumatda deyilir.

Bu 100 gün müddətində, siyasi və mətbuat məhkəmələri və məhkəmə sisteminin hakimləri 32 ayrı işdə jurnalistlər və media qurumlarını təqsirli bilib və onların bəziləri barədə həbs qərarı veriblər.

Qeyd edək ki,  Azad İnformasiya Axışını Müdafiə Təşkilatının bundan əvvəlki hesabatına əsasən cari ilin mart ayından avqustun sonuna kimi İranda ümumilikdə 181 jurnalist və media qurumuna qarşı iş açılıb.

Həmin müddət ərzində azı 34 jurnalist və media fəalı saxlanılıb və ya cəzalarını çəkmək üçün həbsxanaya göndərilib.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar