Pezeşkian COP29-da iştirak etməyəcək

SON XƏBƏRLƏR

Pezeşkian COP29-da iştirak etməyəcək - Rəsmi açıqlama

2024.11.12, 14:19

İran Prezidenti Məsud Pezeşkianın Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfrasının 29-cu Sessiyası- COP29-da iştirak etməyəcəyi rəsmi şəkildə təsdiq edilib.

Gunaz.tv

Bu barədə İran hökumətinin sözçüsü Fatimə Mühacirani açıqlama verib.

O, COP29-da İran nümayəndə heyətini Pezeşkianın müavini və Ətraf Mühit Təşkilatının rəhbəri Şina Ənsarinin təmsil edəcəyini bildirib.

"Ölkələr öz mənafelərinə uyğun olaraq hansı iclaslarda ştirak edəcəkləri barədə qərar verirlər. İclasa qatılıb və ya qatılmamaq üçün müxtəlif amillər, o cümlədən iclasın səviyyəsi, əhəmiyyəti və başqa ölkələrin hansı səviyyədə iştirak etmələri rol oynayır. Bununla yanaşı iclasın həm də, bizim milli mənafeimizlə əlaqə səviyyəsi əhəmiyyətli rol oynayır. Bütün bnlara görə də, alınan nəticə bu oldu ki, İranı COP29-da Prezidentin müavini və Ətraf Mühit Təşkilatının rəhbəri Şina Ənsari təmsil etsin",- deyə Mühacirani beynəlxalq əhəmiyyətli tədbir barədə ikibaşlı ifadələr işlədib.

Qeyd edək ki, bundan əvvəl Məsud Pezeşkianın COP29 iclasında iştirakı ilə bağlı məlumatların yayılması mühafizəkar siyasi qanada mənsub media və şəxslərin sərt reaksiyası ilə qarşılaşıb.

Onlar Prezident İshaq Hertsoq başda olmaqla İsrail dövlətinin yüksək və geniş tərkibli nümayəndə heyətinin KOP29-da iştirak edəcəyinə görə, Məsud Pezeşkianın Azərbaycan Respublikasına səfərinin ləğv edilməsini tələb ediblər.

GünazTV

GUNAZ.TV

SON XƏBƏRLƏR