Contact Us

SON XƏBƏRLƏR

Ekspert açıqladı: Qəzanın səbəbi nə ola bilər?

2024.12.25, 12:37
Ekspert açıqladı: Qəzanın səbəbi nə ola bilər?

AZAL-ın Qazaxıstanda baş verən təyyarə qəzasına səbəb olan hadisə: quşlarla toqquşma real ehtimaldır, - ekspert açıqlaması

Gunaz.tv

GünazTV Musavat.com-a istinadla xəbər verir ki, Rusiya mətbuatına danışan Rostransnadzor İctimai Şurasının mülki aviasiya komissiyasının sədri Oleg Smirnov, AZAL-a məxsus təyyarənin Qazaxıstanda baş verən qəzasının mümkün səbəblərini izah edib.

"Uçuş su hövzəsinin üzərində həyata keçirilirdi və orada çoxlu qağayı olur. Təyyarənin tək bir quşla və ya qağayı sürüsü ilə toqquşması tamamilə mümkündür", - deyə Smirnov bildirib.

Ekspertin sözlərinə görə, təyyarənin yerə çırpılması zamanı arxa hissəsinin qopması faktı təsdiqlənib: "Arxa hissədə olanlar sağ qalıb. Təyyarənin qalan hissəsi isə yanmağa başlayıb". Qəzanın dəqiq səbəblərinin müəyyənləşdirilməsi üçün araşdırmalar davam edir.

Hadisənin şahidlərinin "Orda" nəşrinə verdiyi məlumata görə, qəzaya uğrayan təyyarənin gövdəsində oksigen balonu partlayıb. Partlayış nəticəsində sərnişinlər şüurunu itirməyə başlayıblar. Bundan əvvəl isə təyyarənin mühərrikinə quş dəydiyi iddia olunur. Bu iki faktorun qəzaya səbəb olduğu ehtimal edilir.

Açar Sözlər :

SEÇİLMİŞ XƏBƏRLƏR

Çox oxunanlar