Contact Us

SON XƏBƏRLƏR

İsrail Təhlükəsizlik Akademiyası: "Xalq Cümhuriyyətinin varisi olan müstəqil Azərbaycan Respublikası bütün dünyada nümunə olan bir ölkədir"

2025.05.29, 14:17
İsrail Təhlükəsizlik Akademiyası: "Xalq Cümhuriyyətinin varisi olan müstəqil Azərbaycan Respublikası bütün dünyada nümunə olan bir ölkədir"

Gunaz.tv

Bu gün dost və qardaş Azərbaycan Respublikasının Müstəqillik günüdür. 1918-ci ildə  Azərbaycan Xalq Cümhuriyyətinin və Milli Hökumətinin yaranması ilə bu Şərqdə və bu gün bütün dünyada nümunə olacaq bir dövlətin təməli atılmış oldu.

Cəmi 23 ay yaşayan Azərbaycan Xalq Cümhuriyyəti varlığı 1920-ci ilin aprelin 28-də birləşmiş bolşevik-daşnaq qüvvələrinin işğalçı hücumu ilə sona çatsa da, Azərbaycan xalqının qəlbində milli Dövlətçilik ruhu sönmədi və 1990-cı ilin noyabrın 17-də Naxçıvan Muxtar Respublikasının Ali Məclisində Azərbaycan Xalqının Ümummilli Lideri, dahi şəxsiyyət Heydər Əliyevin rəhbərliyi ilə üçrəngli Azərbaycan bayrağının qəbul edilərək müstəqillik rəmzi olaraq qaldırılması ilə faktiki olaraq müstəqillik yolunda atılmış addımlar

1991-ci ilin Oktyabrın 18-də qəbul edilən Müstəqillik aktı ilə Azərbaycan xalqının öz müstəqilliyini bərpa etməsi ilə nəticələndi. 1991-ci ilin Oktyabrın 18-də öz azadlığına qovuşan Azərbaycan xalqı, dahi şəxsiyyət Heydər Əliyevi hakimiyyət başına dəvət etməsi və Heydər Əliyevin ətrafında sıx birləşməsi ilə öz taleyini həll etdi. Azərbaycan Xalq Cümhuriyyətinin davamçısı və varisi olan və dahi şəxsiyyət Heydər Əliyev tərəfindən qurulan müstəqil və müasir Azərbaycan dövləti bu gün bütün dünyada nümunə olan bir dövlətdir.

Məhz Heydər Əliyevin, Azərbaycan xalqının tələbilə və o dövrün ziyalılarının dəvətilə hakimiyyət başına qayıdışından sonra milli Dövlətçilik anlayışı inkişaf etməyə, möhkəmlənməyə başladı. 1991-ci ildə öz istiqlaliyyətini bərpa edən və Heydər Əliyev tərəfindən qurulan Azərbaycan dövləti dünyanın inkişaf etmiş ölkələrinə nümunə olacaq bir dövlət oldu. Məhz Heydər Əliyevdən başlayan tolerantlıq və multikultural dəyərlər bu gün onun layiqli davamçısı cənab İlham Əliyev tərəfindən uğurla davam etdirilməkdədir. Hazırda Azərbaycandakı ali dəyərlər, tolerantlıq, multikulkultural ənənə bütün dünyada rast gəlinməyəcək olan bir nümunədir. Hazırda Azərbaycan dövləti cənab İlham Əliyevin rəhbərliyi altında qətiyyətli və uğurlu addımları ilə özünün ən yüksək inkişaf dövründədir. 
 Dost və qardaş Azərbaycan xalqını və dövlətini Respublika günü münasibətilə təbrik edir, Azərbaycan xalqına əmin-amanlıq və firəvanlıq diləyirik. Arzu edirik Azərbaycanın suverenliyi, dövlət müstəqilliyi və təhlükəsizliyi daimi və əbədi olsun.

 

- İsrail Təhlükəsizlik Akademiyasının Qafqaz və MDB ölkələri üzrə Azərbaycan Respublikasındakı Regional Nümayəndəliyi

 

C
 

Açar Sözlər :

SEÇİLMİŞ XƏBƏRLƏR

Çox oxunanlar